ବ୍ରହ୍ମପୁର: ଡ୍ରାଇଭରକୁ ପିଟିପିଟି ହତ୍ୟା ଘଟଣାରେ ପୁଣି ଆଉ ଚାରିଜଣଙ୍କୁ ଗିରଫ କରିଛି ପୋଲିସ । ଗଞ୍ଜାମ ଜିଲ୍ଲା ପାଟପୁର ଗତ ମାର୍ଚ୍ଚ ମାସରେ ଦୁର୍ଘଟଣା ଘଟାଇଥିବା ଡ୍ରାଇଭର ବସନ୍ତ ବାଘକୁ ଗ୍ରାମବାସୀ ପିଟିପିଟି ହତ୍ୟା କରିଥିଲେ ।
ହତ୍ୟା ମାମଲା ଆଉ ଚାରିଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତମାନେ ହେଲେ ଆଡପଡା ଗ୍ରାମର ଶ୍ରୀକାନ୍ତ ପୃଷ୍ଟି , ଚନ୍ଦନ ରାଉତ , ଜିତେନ୍ଦ୍ର ରାଉତ ଓ ପୂର୍ଣ୍ଣଚନ୍ଦ୍ର ରାଉତ ବୋଲି ଜଣାପଡିଛି । ସୂଚନାନୁଯାୟୀ ଗତ ମାର୍ଚ୍ଚ ମାସରେ ପାଟପୁର ଥାନା ରଙ୍ଗୁଣୀପଲ୍ଲୀରେ ଏକ ମାଟି ବୋଝେଇ ଟ୍ରିପର ଧକ୍କାରେ ଆଡପଡା ଗ୍ରାମର ଜଣେ ବ୍ୟକ୍ତିଙ୍କ ମୃତ ହୋଇଥିଲା । ଏହା ସହିତ ହେଲପର ଆହତ ହୋଇଥିଲେ ।