ବ୍ରହ୍ମପୁର:ଭୁଲିଗଲେ କୋଭିଡ କଟକଣା । ଗଜଲକ୍ଷ୍ମୀ ଭସାଣି ଶୋଭାଯାତ୍ରାରେ କୋଭିଡ୍ ନିୟମ ଉଲ୍ଲଙ୍ଘନ । ଗଞ୍ଜାମ ଜିଲ୍ଲାର ହିଞ୍ଜିଳିକାଟୁ ରାଧାକୃଷ୍ଣ ପରିବା ବ୍ୟବସାୟୀ ସଂଘର ଗଜଲକ୍ଷ୍ମୀ ପୂଜା ମେଢ ମୂର୍ତ୍ତି ବିସର୍ଜନ ବେଳେ କୋଭିଡ୍ ନିୟମ ଭଙ୍ଗ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ଭିଡ କମାଇବା ସହିତ ସେମାନଙ୍କୁ ତାଗିଦ କରିଥିବା ଦେଖିବାକୁ ମିଳିଛି ।
ଭସାଣି ଶୋଭାଯାତ୍ରାରେ ମାନିଲେନି କୋଭିଡ୍ ନିୟମ, ତାଗିଦ କଲା ପୋଲିସ
ସୂଚନାନୁଯାୟୀ ପରିବା ବ୍ୟବସାୟୀ ପକ୍ଷରୁ ଗଜଲକ୍ଷ୍ମୀ ମୂର୍ତ୍ତି ଶୋଭାଯାତ୍ରାରେ ବିସର୍ଜନ ପାଇଁ ନଗର ପରିକ୍ରମା କରାଯାଇଥିଲା । ଘୋଡାହାଡ ନଦୀ ପୋଲ ନିକଟରୁ ବାହାରିଥିବା ଏହି ଶୋଭାଯାତ୍ରା ବଇଞ୍ଚବଣିଆ, ପୁରୁଣା କୋର୍ଟ, ଲକ୍ଷ୍ମୀ ବଜାର ଦେଇ ପରିବା ବଜାର ମଧ୍ୟରେ ପହଞ୍ଚିଥିଲା । ଏହି ସମୟରେ ସାମାଜିକ ଗଣମାଧ୍ୟମରେ ଶୋଭାଯାତ୍ରାରେ ରେକର୍ଡ ଡ୍ୟାନ୍ସ, ଡିଜେ ବାଜୁଥିବା ସହ ଶୋଭାଯାତ୍ରାରେ ଶତାଧିକ ଲୋକ ଉପସ୍ଥିତ ଥିବା ଭିଡିଓ ପ୍ରସାରିତ ହୋଇଥିଲା ।