ବ୍ରହ୍ମପୁର: ନିଜ କୌଳିକ ବୃତ୍ତିକୁ ବଞ୍ଚାଇବା ପାଇଁ ପ୍ରଶାସନ ନିକଟରେ କଂସା କାରିଗରଙ୍କ ଗୁହାରି । ବର୍ଷବର୍ଷ ଧରି ବ୍ରହ୍ମପୁର ସହରରେ କୌଳିକ ବୃତ୍ତି କରି ନିଜ ଜୀବିକା ନିର୍ବାହ କରି ଆସୁଥିବା କଂସାରୀ ପରିବାରର ସଦସ୍ୟମାନେ ବ୍ରହ୍ମପୁର ଉପଜିଲ୍ଲାପାଳଙ୍କୁ ଭେଟିଛନ୍ତି । ଏହାସହ ନିଜ ପାରମ୍ପରିକ ବୃତ୍ତିକୁ ବନ୍ଦ ନକରି ବରଂ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଦାବି କରିଛନ୍ତି କଂସାରୀ ସମାଜ ।
ଭିଡିଓ ସୌଜନ୍ୟ:ସମ୍ବାଦଦାତା,ବ୍ରହ୍ମପୁର
ବିଗତ 60 ବର୍ଷ ଧରି କଂସା ଓ ପିତଳର ବିଭିନ୍ନ ସାମଗ୍ରୀ କରି ବ୍ରହ୍ମପୁର ସହରର ପ୍ରାୟ 170ଟି ପରିବାର ପେଟ ପାଟଣା ସମ୍ଭାଳୁଛନ୍ତି । ମାତ୍ର କିଛି ଦିନ ତଳେ ସହରର ଶାଳିଆବନ୍ଧ ସାହି ଏବଂ ଆଖପାଖରେ କାର୍ଯ୍ୟ କରୁଥିବା ୬ଟି ପରିବାର ଏବେ ପ୍ରଶାସନର ଦ୍ବାରସ୍ଥ ହୋଇଛନ୍ତି ।