ବ୍ରହ୍ମପୁର: ସନ୍ତୋଷଙ୍କ ପରିବାରକୁ 10 ହଜାର ଟଙ୍କା ସହାୟତା ପ୍ରଦାନ କଲା କଂଗ୍ରେସ । ଗଞ୍ଜାମ ଜିଲ୍ଲାର ଗଞ୍ଜାମ ସହର ରେଳଷ୍ଟେସନ ନିକଟ ଏକ କୁଡିଆରେ ରହୁଥିବା ସନ୍ତୋଷ ସେଠୀ ଏବଂ ତାଙ୍କ ପରିବାର ବର୍ଗ ଉପରେ ଦୁଃଖର ପାହାଡ ଛିଡି ପଡିଛି । ଏଭଳି ସମୟରେ ସନ୍ତୋଷଙ୍କ ପରିବାରକୁ 10 ହଜାର ଟଙ୍କା ସହାୟତା ପ୍ରଦାନ କରିଛି କଂଗ୍ରେସ ।
ସନ୍ତୋଷଙ୍କ ପରିବାରକୁ 10 ହଜାର ଟଙ୍କା ସହାୟତା ପ୍ରଦାନ କଲା କଂଗ୍ରେସ
ଗତ କିଛି ଦିନ ତଳେ ଏକ ସଡକ ଦୁର୍ଘଟଣାରେ ବାମ ଗୋଡ ହରାଇଥିବା ସନ୍ତୋଷ ଏବେ ଘରୁ ବାହାରକୁ ଯାଇପାରୁନାହାନ୍ତି । ସନ୍ତୋଷଙ୍କର ପରିବାର କହିଲେ ପତ୍ନୀଙ୍କ ସମେତ ଦୁଇ ଝିଅ ଓ 10 ବର୍ଷର ପୁଅ । ସନ୍ତୋଷ ଜଣେ ଶ୍ରମିକ ଭାବରେ କାର୍ଯ୍ୟ କରି ପରିବାର ପ୍ରତିପୋଷଣ କରୁଥିଲେ । ହେଲେ ଗୋଳନ୍ଥରା ନିକଟରେ ହୋଇଥିବା ଦୁର୍ଘଟଣାରେ ତାଙ୍କ ଗୋଡଟି ଭାଙ୍ଗି ଯାଇଥିଲା ।