ବ୍ରହ୍ମପୁର: ବିଜେପି ପ୍ରାର୍ଥୀ ପିତାମ୍ବର ଆଚାର୍ଯ୍ୟଙ୍କ ପାଇଁ ବଢୁଛି ଅଡ଼ୁଆ । ପିଛା ଛାଡ଼ୁନି ବିବାଦ । ପୂର୍ବରୁ ପୋଲିସକୁ ଧମକ ଦେଇ ବିବାଦରେ ଛନ୍ଦି ହୋଇ ପଡ଼ିଥିବା ବେଳେ ଏବେ ପୁଣି ଆଉ ଏକ ଧମକ ଅଭିଯୋଗ ଆସିଛି ତାଙ୍କ ନାମରେ । ସ୍ଥାନୀୟ ଧରାକୋଟ ଥାନା ଅନ୍ତର୍ଗତ ବାଦଗଡ଼ ଗ୍ରାମର କୃଷ୍ଣଚନ୍ଦ୍ର ସେଠୀ ପିତାମ୍ବରଙ୍କ ନାମରେ ଧମକ ଦେବା ଅଶାଳୀନ ଭାବରେ ଗାଳିଗୁଲଜ କରିଥିବା ନେଇ ଅଭିଯୋଗ କରିଛନ୍ତି ।
ମିଳିଥିବା ସୂଚନା ମୁତାବକ ଗତକାଲି ଧରାକୋଟ ଥାନା ଅଞ୍ଚଳରେ ବିଜେଡ଼ିର ପ୍ରଚାର କାର୍ଯ୍ୟ ଚାଲିଥିଲା । ସେଠାରେ କିଛି ନବୀନଙ୍କ ପ୍ରଶଂସକ ବିଜେଡ଼ି ଟୋପି ପିନ୍ଧି ସେଠାରେ ଛିଡ଼ି ହୋଇଥିଲେ । ସେମାନଙ୍କ ମଧ୍ୟରେ ସ୍ଥାନୀୟ ବାଦଗଡ଼ ଗ୍ରାମର କୃଷ୍ଣଚନ୍ଦ୍ର ସେଠୀ, କୁନା ସାହୁ, ଦୁଲୁ ସାହୁ, ରୋହିତ ସାହୁ ପ୍ରମୁଖ ଛିଡ଼ା ହୋଇଥିଲେ । ବିଜେଡ଼ିର ପ୍ରଚାର ପରେ ସେହି ରାସ୍ତା ଦେଇ ବିଜେପିର ବିଧାୟକ ପ୍ରାର୍ଥୀ ପିତାମ୍ବର ଆଚାର୍ଯ୍ୟ ଯାଇଥିଲେ ।