ବ୍ରହ୍ମପୁର:ବ୍ରହ୍ମପୁର ସହରରୁ ପୁଣି ଜବତ ହେଲା ବ୍ରାଉନସୁଗର । ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗ ପକ୍ଷରୁ ବ୍ରାଉନ୍ ସୁଗର ଜବତ କରାଯିବା ସହିତ ସମ୍ପୃକ୍ତ ଥିବା ଜଣେ ମହିଳାଙ୍କୁ ଗିରଫ କରାଯାଇଛି ।
ସୂଚନାନୁଯାୟୀ ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗ ତରଫରୁ ବ୍ରାଉନ୍ ସୁଗର ଜବତ ପାଇଁ ଅପରେସନ ସହରରେ ଅପରେସନ କରାଯାଇଥିଲା । ଅବକାରୀ ଗୁଇନ୍ଦା ବିଭାଗ ଅଧିକାରିଣୀ ଗୀତାଞ୍ଜଳି ସାହୁ ଏବଂ ତାଙ୍କ ଟିମ ସହରର ନଗର ହସପିଟାଲ ରାସ୍ତାରେ ପଇଁତରା ମାରୁଥିଲେ । ଏହା ପରେ ଅବକାରୀ ବିଭାଗ ଜଣେ ସନ୍ଦିଗ୍ଧ ମହିଳାଙ୍କୁ ଅଟକାଇ ଥିଲା । ମହିଳାଙ୍କ ବ୍ୟାଗ ଯାଞ୍ଚ କରିବା ସମୟରେ ତାଙ୍କ ନିକଟରୁ ୧୨୭ ଗ୍ରାମ ବ୍ରାଉନସୁଗର ସହିତ ନଗଦ ୧୧ ହଜାର ଟଙ୍କା ଜବତ କରାଯାଇଛି । ଏହି ମାମଲାରେ 40 ବର୍ଷର ସୁକାନ୍ତି ବେହେରାଙ୍କୁ ଗିରଫ କରି କୋର୍ଟ ଚାଲାଣ କରିଛି ଗୁଇନ୍ଦା ବିଭାଗ ।