ବ୍ରହ୍ମପୁର: ଦୂଷିତ ବର୍ଷା ପାଣିରୁ କିପରି ରକ୍ଷା ପାଇବେ? ଝାଡାବାନ୍ତି ତଥା ଡାଇରିଆ ଭଳି ରୋଗରୁ କିପରି ପାଇବେ ମୁକ୍ତି ? ଏହାର ନିରାକରଣ ପାଇଁ କେଉଁ ପନ୍ଥା ସବୁ ଆପଣାଇବେ ? ଏନେଇ ସଚେତନତା ଅଭିଯାନ ଆରମ୍ଭ କରିଛି ବ୍ରହ୍ମପୁର ମହାନଗର ନିଗମ । ଏଥିପାଇଁ ଆସନ୍ତା ଜୁଲାଇ ୨ ରୁ ୧୬ ପର୍ଯ୍ୟନ୍ତ ଡାଇରିଆ ନିରାକରଣ ପକ୍ଷ ଏବଂ ୧୭ ଜୁଲାଇ ଠାରୁ ୧୬ ସେପ୍ଟେମ୍ବର ପର୍ଯ୍ୟନ୍ତ ଏକ ମାସ ବ୍ୟାପି ମ୍ୟାଲେରିଆ ,ଡେଙ୍ଗୁ ,ଡାଇରିଆ ଏବଂ ମସ୍ତିଷ୍କ ଜ୍ବର ସଚେତନତା ଓ ନିରାକରଣ ଅଭିଯାନ ଭାବରେ ପାଳିତ ହେବ ।
ଭିଡିଓ ସୌଜନ୍ୟ-ସମ୍ବାଦଦାତା, ବ୍ରହ୍ମପୁର
ଆଗକୁ ବର୍ଷା ଦିନ । ଆଉ ଏହି ସମୟରେ ଦୂଷିତ ପାଣି ଜମା ରହି ମଶାଙ୍କ ପ୍ରାଦୁର୍ଭାବ ବଢିଥାଏ । ଏଥିଯୋଗୁଁ ମ୍ୟାଲେରିଆ ,ଡେଙ୍ଗୁ ,ଡାଇରିଆ ଏବଂ ମସ୍ତିଷ୍କ ଜ୍ବର ଭଳି ରୋଗ ହେବାର ଅନେକ ମାତ୍ରାରେ ସମ୍ଭାବନା ରହିଥାଏ । ଏଣୁ ସହରବାସୀଙ୍କୁ ସୁସ୍ଥ ଓ ସଚେତନ କରିବାକୁ ମହାନଗର ନିଗମ ପକ୍ଷରୁ ଏଭଳି ଅଭିନବ ପ୍ରୟାସ କରାଯାଇଛି ।