ବ୍ରହ୍ମପୁର: ଉନ୍ନୟନମୂଳକ କାର୍ଯ୍ୟ ପାଇଁ ଆଗାମୀ ଦୁଇ ମାସ ପର୍ଯ୍ୟନ୍ତ ବନ୍ଦ ରହିବ ସିଟି ବସଷ୍ଟାଣ୍ଡ । ଏଥିସହ ସମସ୍ତ ବେସରକାରୀ ବସକୁ ସହର ଉପକଣ୍ଠ ହଳଦିଆପଦର ନୂତନ ବସଷ୍ଟାଣ୍ଡକୁ ସ୍ଥାନାନ୍ତରିତ କରାଯିବ । ପ୍ରଶାସନର ଏଭଳି ନିଷ୍ପତ୍ତିକୁ ବିରୋଧ କରି ବସ ମାଲିକ ସଂଘ ପକ୍ଷରୁ ବସ ଚଳାଚଳକୁ ବନ୍ଦ କରାଯାଇଛି ।
ଭିଡିଓ ସୌଜନ୍ୟ : ସମ୍ବାଦଦାତା, ବ୍ରହ୍ମପୁର
ଘୋରଇ ବସ ମାଲିକ ସଂଘର ଏକ ବୈଠକରେ ବସଷ୍ଟାଣ୍ଡ ସ୍ଥାନାନ୍ତରକୁ ହଳଦିଆପଦରକୁ ନକରାଯାଇ ସହରର ଅନ୍ୟ କୌଣସି ସ୍ଥାନକୁ ପ୍ରଦାନ କରିବାକୁ ଅପିଲ କରାଯାଇଛି । ପ୍ରଶାସନର ଏଭଳି ପଦକ୍ଷେପକୁ ଦୃଢ ନିନ୍ଦା କରିଛି ଘରୋଇ ବସ ମାଲିକ ସଂଘ । କିନ୍ତୁ ପ୍ରଶାସନ ଏଥିପ୍ରତି କୌଣସି ଦୃଷ୍ଟି ନଦେଲେ ଆଗାମୀ ଦିନରେ ଆନ୍ଦୋଳନ ବ୍ୟାପକ କରାଯିବ ବୋଲି ଚେତାବନୀ ଦେଇଛି ସଂଘ । ଅନ୍ୟପଟେ ପ୍ରଶାସନ ପକ୍ଷରୁ ଏହି ଆନ୍ଦୋଳନକୁ ଦୃଷ୍ଟିରେ ରଖି ଓ.ଏସ୍.ଆର୍.ଟି.ସି ପକ୍ଷରୁ ଭଞ୍ଜନଗର , ଫୁଲବାଣୀ ଓ କଟକ ରୁଟରେ ଅତିରିକ୍ତ ଚାରୋଟି ଲେଖାଏଁ ବସ ଚଳାଚଳ କରାଯିବା ସହ ରାୟଗଡା ଏବଂ ଗଜପତିକୁ ଅତିରିକ୍ତ ଦୁଇଟି ବସ ବ୍ୟବସ୍ଥା କରାଯାଇଛି ।