ବ୍ରହ୍ମପୁର: ଲଗାଣ ବର୍ଷା ପରେ ଗ୍ରାମଞ୍ଚଳରେ ଏବେ ଜଳଜନିତ ରୋଗକୁ ନେଇ ବଢୁଛି ଚିନ୍ତା । ଯେଉଁଥିପାଇଁ ଜନସାଧାରଣଙ୍କୁ ସଚେତନ କରାଇବା ପାଇଁ ଆଗେଇ ଆସିଛନ୍ତି ସ୍ଥାନୀୟ ସରପଞ୍ଚ ନିଳିମା ବିଷୋୟୀ । ତାଙ୍କ ସଭାପତିତ୍ବରେ ଆଶା ଓ ଅଙ୍ଗନବାଡି କର୍ମୀମାନେ ଏକତ୍ରିତ ହୋଇ ପୁରଷୋତ୍ତମପୁର ବ୍ଲକସ୍ଥିତ ସମା ଗ୍ରାମ ପଞ୍ଚାୟତରେ ଏକ ସଚେତନତା ଯାତ୍ରାର ଆୟୋଜନ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଏହି ସଚେତନତା ଯାତ୍ରାରେ ଡେଙ୍ଗୁ , ମ୍ୟାଲେରିଆ ଓ ଡାଇରିଆକୁ ନେଇ ସଚେତନତା ବାର୍ତ୍ତା ବଣ୍ଟାଯାଇଛି । ସ୍ବାସ୍ଥ୍ୟ ବିଭାଗ ପକ୍ଷରୁ ଆରମ୍ଭ ହୋଇଥିବା ଏହି ପ୍ରୟାସକୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ଼ଃ ବିଜୟ କୁମାର ପାଣିଗ୍ରାହୀ ଉଦଘାଟନ କରିଥିଲେ । ଏଥିସହ ଜିଲ୍ଲା ପରିଷଦ ଉପାଧ୍ୟକ୍ଷ ସ୍ନେହଲତା ପଣ୍ଡା ପ୍ରମୁଖ ସଚେତନତା ଯାତ୍ରାରେ ଉପସ୍ଥିତ ରହି ଡେଙ୍ଗୁ , ମ୍ୟାଲେରିଆ ଓ ଡାଇରିଆଠାରୁ ଦୂରେଇ ରହିବା ପାଇଁ ବିଭିନ୍ନ ପରାମର୍ଶ ଦେଇଥିଲେ ।