ବ୍ରହ୍ମପୁର: ୬ ଜଣିଆ ଚୋର ଗ୍ୟାଙ୍ଗକୁ କାବୁ କଲା ବ୍ରହ୍ମପୁର ପୋଲିସ । ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ବିଭିନ୍ନ ଘରେ ପଶି ସିନ୍ଧି ଚୋରି କରିବା ଘଟଣାରେ ସଂପୃକ୍ତ ଥିବା ୬ ଜଣିଆ ଗ୍ୟାଙ୍ଗକୁ ଗିରଫ କରିବାରେ ସକ୍ଷମ ହୋଇଛି ବ୍ରହ୍ମପୁର ପୋଲିସ । ସେମାନଙ୍କ ଠାରୁ ସୁନା ରୂପା ସହ ଟଙ୍କା ଜବତ କରିଛି ପୋଲିସ ।
ସହର ଉପକଣ୍ଠ ସଦରଥାନା ଅନ୍ତର୍ଗତ ବିଭିନ୍ନ ଗ୍ରାମ ସମେତ କୁକୁଡାଖଣ୍ଡି ଏବଂ ଗୋଳନ୍ଥରା ଏବଂ ଗୋପାଳପୁର ଥାନା ଥାନା ଅଞ୍ଚଳରେ ହୋଇଥିବା ଵିଭିନ୍ନ ସିନ୍ଧି ଚୋରି ଘଟଣାରେ ପୋଲିସ 6 ଜଣଙ୍କୁ ଗିରଫ କରିଛି । ଏହି ଗ୍ୟାଙ୍ଗରେ ସାମିଲ ରହିଥିବା ଛଅ ଜଣଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ନଗଦ ଏକ ଲକ୍ଷ ୪୧ ହଜାର ଟଙ୍କା ଜବତ କରିଛି । ଏହା ସହିତ ସୁନା ଅଳଙ୍କାର ଏବଂ ଦୁଇଟି ରୂପା କଏନ ଜବତ କରିଥିବା ବ୍ରହ୍ମପୁର ସଦର ଏସଡ଼ିପିଓ ଜୟନ୍ତ ମହାପାତ୍ର ସୂଚନା ଦେଇଛନ୍ତି l