ବ୍ରହ୍ମପୁର: ପେଟ୍ରୋଲ ଟ୍ୟାଙ୍କର ମଧ୍ୟରୁ ୩୭୦ କିଲୋ ଗଞ୍ଜେଇ ଜବତ କଲା ଗୋଳନ୍ଥରା ଥାନା ପୋଲିସ । ଜବତ ଗଞ୍ଜେଇ ବିହାର ଅଞ୍ଚଳକୁ ଚାଲାଣ କରାଯାଉଥିବା ବେଳେ ବ୍ରହ୍ମପୁର ଉପକଣ୍ଠ ଗୋଳନ୍ଥରା ଥାନା ପୋଲିସ ଟ୍ୟାଙ୍କରକୁ ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରିଛି।
ପେଟ୍ରୋଲ ଟ୍ୟାଙ୍କରରୁ ୩୭୦ କିଲୋଗ୍ରାମ ଗଞ୍ଜେଇ ଜବତ
ତେବେ ଟ୍ୟାଙ୍କରରେ ଗଞ୍ଜେଇ ଚାଲାଣ ହେଉଥିବା ଖବର ପାଇ ପୋଲିସ ଟିମ୍ ଥାନା ସମୁଖରେ ୧୬ ନଂ ଜାତୀୟ ରାଜପଥ ଉପରେ ଯାଞ୍ଚ କରୁଥିଲା । ଏହି ସମୟରେ ଏନ୍. ଏଲ୍. ୪ଡି ୧୬୨୪ ନାମକ ଏକ ଟ୍ୟାଙ୍କରକୁ ଅଟକ ରଖି ଯାଞ୍ଚ କରିବା ବେଳେ ଟ୍ୟାଙ୍କରରୁ ମୋଟ ୩୭୦ କିଲୋଗ୍ରାମ ୨୭୦ ଗ୍ରାମ ଓଜନର ଗଞ୍ଜେଇ ଜବତ କରାଯାଇଥିବା ସୂଚନା ମିଳିଛି।