ବ୍ରହ୍ମପୁର: ସଦରଥାନା ଅନ୍ତର୍ଗତ ଲୋଚପଡା ଅଞ୍ଚଳରେ ଚାଲିଥିବା ଏକ ଜୁଆ ଆଡ୍ଡା ଉପରେ ପୋଲିସର ଚଢାଉ । ଚଢାଉବେଳେ ପୋଲିସ ଓ ଜୁଆଡିଙ୍କ ମଧ୍ୟରେ ଧସ୍ତାଧସ୍ତି ପରିସ୍ଥିତି । ଏଥିରେ ପୋଲିସ ୧୧ ଜୁଆଡିଙ୍କୁ ଗିରଫ କରିବା ସହ ସେମାନଙ୍କ ଠାରୁ ୮୭୭୦ ଟଙ୍କା ଜବତ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଜୁଆଡିଙ୍କଠାରୁ 7ଟି ମୋବାଇଲ, 5ଟି ଠେଙ୍ଗା ଏବଂ ପଥରକୁ ମଧ୍ୟ ଜବତ କରାଯାଇଛି । ଏଥିରେ ଜଣେ ପୋଲିସ କର୍ମଚାରୀ ସାମାନ୍ୟ ଆହତ ହୋଇଛନ୍ତି । ଗିରଫ ମାନେ ହେଲେ ମହେନ୍ଦ୍ର ସାହୁ, ଗଣେଷ ସାହୁ, ମହେଶ ସାହୁ, ବୃନ୍ଦାବନ ବେହେରା, ଦୀପକ ସାହୁ, ମନୋଜ କୁମାର ସାହୁ, ଶ୍ରୀହରି ପାତ୍ର, ହୀନ ସାହୁ, ମୁରଲିଧର ସାହୁ, କୁନ୍ନା ସେଠୀ ଓ ସନ୍ତୋଷ ପ୍ରଧାନ ।