ବାରିପଦା: ଜଙ୍ଗଲରୁ ଅଜଣା ବ୍ୟକ୍ତିର ଗଳିତ ମୃତଦେହ ଉଦ୍ଧାର । ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଦଳେଇଡିହରେ ଥିବା ଜଙ୍ଗଲରେ । ଉଦ୍ଧାର ହୋଇଥିବା ମୃତଦେହ ପାଖାପାଖି 10ରୁ 15 ଦିନ ତଳର ବୋଲି ଅନୁମାନ କରୁଛି ପୋଲିସ ।
ସେପଟେ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ପୋଲିସ ସନ୍ଦେହ କରୁଥିବା ବେଳେ ଦୁର୍ବୃତ୍ତମାନେ ହତ୍ୟା କରିବା ପରେ ପ୍ରମାଣ ନଷ୍ଟ ଉଦ୍ଦେଶ୍ୟରେ ନିଛାଟିଆ ଜଙ୍ଗଲରେ ମୃତଦେହ ପୋତି ପଳାଇଥିବା ପାରିପାର୍ଶ୍ବିକ ସ୍ଥିତିକୁ ଅନୁମାନ କରାଯାଉଛି । ତେବେ ଠାବ ହୋଇଥିବା ମୃତଦେହର ଅଣ୍ଟାରୁ ମୁଣ୍ଡ ପର୍ଯ୍ୟନ୍ତ ମାଟିରେ ପୋତି ହୋଇଥିବା ଦେଖିବାକୁ ମିଳିଛି । ଘଟଣାସ୍ଥଳରେ ରାସଗୋବିନ୍ଦପୁର ପୋଲିସ ସାଇଣ୍ଟିଫିକ ଟିମର ସହାୟତାରେ ତଦନ୍ତ ଚଳାଇଥିବା ବେଳେ ତଦନ୍ତ ପରେ ପ୍ରକୃତ କାରଣ ଜଣାପଡିବ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
