ହୋଲିରେ ରକ୍ତର ଛିଟା: ରଙ୍ଗ କିଣିବାକୁ ଯିବାବେଳେ କଚାଡିଦେଲା ଷଣ୍ଢ

ହୋଲି ଉତ୍ସବରେ ପଡିଲା ରକ୍ତର ଛିଟା । ରଙ୍ଗ କିଣିବାକୁ ଯାଇ ଚାଲିଗଲା ଯୁବକଙ୍କ ଜୀବନ । ଅଧିକ ପଢନ୍ତୁ...

ବାଲେଶ୍ବର: ହୋଲି ଉତ୍ସବରେ ଅଘଟଣ । ରଙ୍ଗ କିଣିବାକୁ ଯାଇ ଷଣ୍ଢ ଲଢେଇରେ ଚାଲିଗଲା ଯୁବକଙ୍କ ଜୀବନ । ବାଲେଶ୍ବର ସୋର ଅଞ୍ଚଳରେ ଏଭଳି ଅଘଟଣ ଘଟିଛି ।

ସୂଚନାଯୋଗ୍ୟ, ମହୁମୁହାଣ ଅଞ୍ଚଳରେ ନରେନ୍ଦ୍ର ଜେନା ବାଇକ ଯୋଗେ ସୋର ବଜାରକୁ ରଙ୍ଗ କିଣିବାକୁ ଯାଉଥିଲେ । ବାଗୁଡି ଛକରେ 3ଟି ଷଣ୍ଢଙ୍କ ମଧ୍ୟରେ ଲଢେଇ ଲାଗି ଯୁବକକୁ ରାସ୍ତାରେ କଚାଡି ଦେଇଥିଲେ । ଏହି ସମୟରେ ଏକ ଟ୍ରକ ଆସି ଯୁବକ ଉପରେ ଚଢିଯାଇଥିଲା ।

ସେପଟେ, ଗୁରୁତର ଅବସ୍ଥାରେ ଯୁବକକୁ ସୋର ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଛନ୍ତି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ