ଫୋନରେ କଥା ହେଲା କାଳ, ଟ୍ରେନ ଧକ୍କାରେ ଯୁବକ ମୃତ

ଫୋନରେ କଥା ହୋଇ ରେଳ ଧାରଣା ପାରି ହେଉଥିବା ବେଳେ ଯୁବକ ମୃତ। ଘଟଣାଟି ବାଲେଶ୍ବର ଜିଲ୍ଲା ସୋର ଥାନାରେ ଘଟିଛି । ଅଧିକ ଖବର ପଢନ୍ତୁ...

ବାଲେଶ୍ବର: ଟ୍ରେନ ଦୁର୍ଘଟଣାରେ ଯୁବକ ମୃତ। ଏହି ଘଟଣାଟି ବାଲେଶ୍ବର ଜିଲ୍ଲା ସୋର ଥାନା ଅଧିନ କାଳି ପଡିଆ ନିକଟରେ ଘଟିଛି। ଫୋନରେ କଥା ହୋଇ ଯୁବକ ଜଣକ ରେଳ ଧାରଣା ପାର ହେଉଥିବା ବେଳେ ଡାଉନ ବେଙ୍ଗାଲୁରୁ-ହାୱଡା ହମସଫର ଏକ୍ସପ୍ରେସ ଧକ୍କା ଦେଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ମୃତକ ଜଣକ ଜଳେଶ୍ବର ଅଞ୍ଚଳର ରବୀନ୍ଦ୍ରନାଥ ବୋଲି ଜଣାପଡିଛି। ସେ ସୋରରେ ଘର ଭଡା ନେଇ ରହୁଥିଲେ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ