ବାଲେଶ୍ବର: ଦେଶରେ କୋରୋନା ମହାମାରୀ ଯୋଗୁଁ ପ୍ରବାସୀ ଘର ବାହୁଡା କରୁଛନ୍ତି । କିଏ ଚାଲିଚାଲି ତ କିଏ ବାଇକ, ସାଇକେଲ ଟ୍ରକ ଯୋଗେ ମାଇଲ ମାଇଲ ବାଟ ଅତିକ୍ରମ କରୁଛନ୍ତି । ଭୋକ ଉପାସରେ ଅହରହ ପାଦ ବଢାଇ ଚାଲିଛନ୍ତି ପ୍ରବାସୀ ଶ୍ରମିକ । ଏପରି ସ୍ଥିତିରେ କିଛି ଯୁବକ ପ୍ରବାସୀମାନଙ୍କ ଦୁଃଖ ଲାଘବ କରୁଛନ୍ତି ।
ବାଲେଶ୍ବର ଜାତୀୟ ରାଜପଥରେ ପ୍ରବାସୀଙ୍କ ଭୋକ ମେଣ୍ଟାଉଛନ୍ତି କେତେ ଜଣ ସାଙ୍ଗ
ଲକଡାଉନ ବେଳେ ଆବଶ୍ୟକତା ବା ଭୋକିଲା ଥିବା ଲୋକମାନଙ୍କୁ ଅନେକ ଅନୁଷ୍ଠାନ ଓ ବ୍ୟକ୍ତି ବିଶେଷ ସାହାଯ୍ୟର ହାତ ବଢ଼ାଇଛନ୍ତି। ଏଥିରେ ସାମିଲ ହୋଇଛନ୍ତି ସାଙ୍ଗ ପିଲା । ମେ 8 ତାରିଖରୁ ବାଲେଶ୍ବର ଜାତୀୟ ରାଜପଥରେ ଶ୍ରମିକମାନଙ୍କ ସାହାଯ୍ୟ ଓ ସହଯୋଗ କରିବାରେ ଲାଗିଛନ୍ତି ଏମାନେ ।