ବାଲେଶ୍ବର: ବିଦ୍ୟୁତ ବିଭାଗର ଚରମ ଅବହେଳା ଯୋଗୁଁ ଯୁବକଙ୍କର ବିଦ୍ୟୁତ ଆଘାତରେ ମୃତ୍ୟୁ ଘଟିଛି । ବିଭାଗୀୟ ଅବହେଳା ପାଇଁ ଯୁବକଙ୍କ ପ୍ରାଣହାନି ହୋଇଥିବା ଅଭିଯୋଗରେ ଗ୍ରାମବାସୀ ରାସ୍ତାରୋକ କରିଛନ୍ତି । ସୂଚନାନୁସାରେ ବାହାନଗା ବ୍ଲକ କସବାଜୟପୁର ପଞ୍ଚାୟତ ରସଲପୁର ଗ୍ରାମର ଗଣେଶ ଜେନା ବିଲକୁ ଧାନ ରୁଆ ପାଇଁ ଯାଇଥିବାବେଳେ ଘଟିଛି ଅଘଟଣ ।
ବିଦ୍ୟୁତ ଆଘାତରେ ଯୁବକଙ୍କ ମୃତ୍ୟୁ, ଜାତୀୟ ରାଜପଥ ଅବରୋଧ କଲେ ଗ୍ରାମବାସୀ
ସେପଟେ ତାଙ୍କ ବିଲ ଉପରେ ମାତ୍ର ୨ଫୁଟ ଉଚ୍ଚତାରେ ଓହଳି ରହିଛି ବିଦ୍ୟୁତ ତାର । ବିଲରେ ଧାନ ରୋଇବାକୁ ଯାଇଥିବା ସମୟରେ ଗଣେଶ ତାରକୁ ଉଠାଇବାକୁ ଯାଉଥିବା ସମୟରେ ବିଦ୍ୟୁତ ସଂସ୍ପର୍ଶରେ ଆସି ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି ।