ବାଲେଶ୍ବର: ବାହାର ରାଜ୍ୟରୁ ଏବେ ପ୍ରବାସୀମାନଙ୍କୁ ନେଇ ଶ୍ରମିକ ସ୍ୱତନ୍ତ୍ର ଟ୍ରେନ ବାଲେଶ୍ଵର ଆସୁଛି । ହଜାର ହଜାର ପ୍ରବାସୀ ଶ୍ରମିକ ନିଜ ପରିବାର ଓ ପିଲାଛୁଆଙ୍କୁ ଧରି ଘର ବାହୁଡା ହେଉଛନ୍ତି । ପ୍ରତିଦିନ ପ୍ରାୟ ଦୁଇ ତିନୋଟି ଟ୍ରେନ ଯୋଗେଁ ବାଲେଶ୍ଵର ଷ୍ଟେସନରେ ଓହ୍ଲାଉଛନ୍ତି ଜିଲ୍ଲାର ବିଭିନ୍ନ ଅଞ୍ଚଳର ପ୍ରବାସୀମାନେ। ତେବେ ସୋମବାର ବାଲେଶ୍ଵର ରେଳ ଷ୍ଟେସନରେ ଗୋଟିଏ ଶ୍ରମିକ ସ୍ବତନ୍ତ୍ର ଶ୍ରମିକ ଟ୍ରେନ ଲାଗିବା ପରେ ଏକ ଦୃଶ୍ୟ ସମସ୍ତଙ୍କୁ ବେଶ ଆକର୍ଷିତ କରିଥିଲା।
ବାଲେଶ୍ବର ଷ୍ଟେସନରେ ଆକର୍ଷିତ କଲା ପିଲାର ପିଲାଳିଆମୀ
ଷ୍ଟେସନରେ ଟ୍ରେନ ଲାଗିବା କ୍ଷଣି ଜଣଙ୍କ ପରେ ଜଣେ ଟ୍ରେନରୁ ଓହ୍ଲାଇଥିଲେ। ଏହାରି ଭିତରେ ଜଣେ 8ରୁ 10 ବର୍ଷର ବାଳକ ମଧ୍ୟ ଓହ୍ଲାଇଥିଲା । ବାଳକଟି ଓହ୍ଲାଇବା ବେଳେ ତା ହାତରେ ଥିଲା ଏକ କାଠର ଖେଳଣା ଗାଡି, ଯାହାକୁ ନେଇ ସେ ସୁରଟରୁ ବାଲେଶ୍ଵର ଆସିଥିବା ଜଣାପଡିଛି ।