ବାଲେଶ୍ବର :ନିଜର ହେଲାନି ରକ୍ତ ସମ୍ପର୍କ । ସମ୍ପତି ପାଇଁ ବାପାକୁ ସାତ ପର କଲା ପୁଅ । ଘରୁ ତଡି ଦେଲା । ସାମାଜିକ ଅନୁଷ୍ଠାନ ବଢାଇଲା ସହାୟତାର ହାତ । ଏଭଳି ଏକ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ବସ୍ତା ବ୍ଲକରେ ।
ସୂଚନା ଅନୁସାରେ, ବସ୍ତା ଅଞ୍ଚଳର ଜଣେ ବୃଦ୍ଧ ଅସହାୟ ଅବସ୍ଥାରେ ବାଲେଶ୍ଵର ସିନେମା ଛକ ନିକଟରେ ପଡ଼ି ରହିଥିଲେ । ସାମାଜିକ ଅନୁଷ୍ଠାନକୁ କିଛି ଲୋକ ଫୋନ କରି ଅସହାୟ ବୃଦ୍ଧଙ୍କ ବିଷୟରେ ଖବର ଦେଇଥିଲେ । ଖବର ପାଇବା ମାତ୍ରେ ଘଟଣାସ୍ଥଳରେ ପହଞ୍ଚିଥିଲେ ସଂଗଠନର କର୍ମକର୍ତ୍ତା । ସେଠାରେ ପହଞ୍ଚି ବୃଦ୍ଧଙ୍କୁ ସମସ୍ତ କଥା ପଚାରିଥିଲେ । ଆଉ ଅସୁସ୍ଥ ଥିବା ବୃଦ୍ଧଙ୍କୁ ଚିକିତ୍ସାଳୟ ନେଇ ଚିକିତ୍ସା ମଧ୍ୟ କରାଇଥିଲେ ।