ମୁମ୍ବାଇ: ସେୟାର ବଜାରରେ ଆଦାନି ଗ୍ରୁପର ସେୟାରରେ ବଡ଼ ଅଭିବୃଦ୍ଧି । ବଜାର ପୁଞ୍ଜିକରଣରେ 12675 କୋଟି ଟଙ୍କାର ବୃଦ୍ଧି ପାଇଛି ଆଦାନୀ ଗ୍ରୁପ । ତେବେ ଆଦାନୀ ଗ୍ରୁପର 10 ତାଲିକାଭୁକ୍ତ କମ୍ପାନୀର ମୋଟ ବଜାର ପୁଞ୍ଜିକରଣ 10.62 ଲକ୍ଷ କୋଟିରେ ପହଞ୍ଚିଛି । ଗୁରୁବାର କାରବାରର ସମାପ୍ତି ବେଳକୁ ବଜାର କ୍ୟାପ 10.49 ଲକ୍ଷ କୋଟି ଥିବାବେଳେ ଏହା ଶୁକ୍ରବାର 10.62ଲକ୍ଷ କୋଟିରେ ପହଞ୍ଚିଛି ।
ତେବେ ଆଦାନୀ ଗ୍ରୁପର ପ୍ରମୁଖ କମ୍ପାନୀ ଆଦାନୀ ଏଣ୍ଟର୍ପ୍ରାଇଜସ୍ର ସେୟାରର ମୂଲ୍ୟ 1.27 ପ୍ରତିଶତ ବୃଦ୍ଧି ପାଇ 2450.05 ଟଙ୍କା ହୋଇଛି । ଏହାସହ ଏହାର ବଜାର ପୁଞ୍ଜିକରଣ ମଧ୍ୟ ବୃଦ୍ଧି ପାଇଁ 2.79 ଲକ୍ଷ କୋଟି ଟଙ୍କା ହୋଇଛି । ସେହିପରି ଆଦାନୀ ପୋର୍ଟର ସେୟାର ମଧ୍ୟ 0.92 ପ୍ରତିଶତ ବୃଦ୍ଧି ପାଇଛି ।
ଏହା ମଧ୍ୟ ପଢ଼ନ୍ତୁ....ଆଦାନୀ-ହିଣ୍ଡେନବର୍ଗ ବିବାଦ: ସୁପ୍ରିମକୋର୍ଟରେ ଷ୍ଟାଟସ୍ ରିପୋର୍ଟ ଦାଖଲ କଲା ସେବି
ତେବେ ବିଏସଇ ସେନସେକ୍ସରେ ଆଦାନୀ ପାଓ୍ବାରର ସେୟାରରେ 2.77 ପ୍ରତିଶତ, ଆଦାନୀ ଗ୍ରୀନ ଏନର୍ଜିରେ 2.32 ପ୍ରତିଶତ ଏବଂ ଆଦାନୀ ଏନର୍ଜୀ ସଲ୍ୟୁସନ ସେୟାରରେ 1.62 ପ୍ରତିଶତ ବୃଦ୍ଧି ପାଇଛି । ସେହିପରି ଗ୍ରୁପର ଅଗ୍ରଣୀ କମ୍ପାନୀ ଆଦାନୀ ଏଣ୍ଟରପ୍ରାଇଜର୍ସର ସେୟାରରେ 1.29 ପ୍ରତିଶତ ବୃଦ୍ଧି ଘଟିଛି । ଏହା ବ୍ୟତୀତ ଅମ୍ବୁଜା ସିମେଣ୍ଟ, ଆଦାନୀ ପୋର୍ଟ ଆଣ୍ଡ ଏସଇଜେଡ ଏବଂ ଏନଡିଟିବିର ସେୟାରରେ ମଧ୍ୟ ଅଭିବୃଦ୍ଧି ଘଟିଛି । ସେପଟେ ଆଦାନୀ ଓ୍ବିଲ୍ମର, ଆଦାନୀ ଟୋଟାଲ ଗ୍ୟାସ ଏବଂ ଏସିସିର ସେୟାର ବଜାର କାରାବାରରେ ହ୍ରାସ ଘଟିଛି।