21 ଦିନ ଲକଡାଉନ: ଖୋଲା ରହିବ ସେୟାର ବଜାର

ବିଏସଇ ସିଇଓ ଆଶିଷ କୁମାର ଚୌହାନ ଟ୍ବିଟ କରି କହିଛନ୍ତି ଯେ, ଲକଡାଉନ ସମୟରେ ମଧ୍ୟ ବିଏସଇ ଚାଲୁ ରହିବ ।

ନୂଆଦିଲ୍ଲୀ: କୋରୋନା ଭାଇରସ ସଂକ୍ରମଣ ବୃଦ୍ଧି ପାଉଥିବାରୁ କେନ୍ଦ୍ର ସରକାର ପୂରା ଦେଶରେ ଲକଡାଉନ ଘୋଷଣା କରିଛନ୍ତି । ଆସନ୍ତା 21 ପର୍ଯ୍ୟନ୍ତ ଏହା ବଳବତ୍ତର ରହିବ । ଏହା ବିଶ୍ବର ସବୁଠୁ ବଡ ଲକଡାଉନ ବୋଲି କୁହାଯାଇଛି । ତେବେ ଏହା ପରେ ବି ବନ୍ଦ ହେବନି ଭାରତୀୟ ସେୟାର ବଜାର ।

ବମ୍ବେ ଷ୍ଟକ ଏକ୍ସଚେଞ୍ଜ ଓ ନ୍ୟାସନାଲ ଷ୍ଟକ ଏକ୍ସଚେଞ୍ଜରେ କାରବାର ଜାରି ରହିବ । ବିଏସଇ ସିଇଓ ଆଶିଷ କୁମାର ଚୌହାନ ଟ୍ବିଟ କରି କହିଛନ୍ତି ଯେ, ଲକଡାଉନ ସମୟରେ ମଧ୍ୟ ବିଏସଇ ଚାଲୁ ରହିବ ।

ଦେଶରେ କୋରୋନା ଭାଇରସ ସଂକ୍ରମଣ ଭୟରେ ପୁଞ୍ଜିବଜାର ଧରାଶାୟୀ ହୋଇପଡିଛି । କାରବାରରେ କ୍ଷତି ଜାରି ରହଛି । ନିବେଶକଙ୍କ ଲକ୍ଷାଧିକ କୋଟି ଟଙ୍କା ଧୋଇହୋଇଯାଉଛି । ତଥାପି ବଜାର ବନ୍ଦ ନେଇ କୌଣସି ସଙ୍କେତ ଦେଖିବାକୁ ମିଳିନି ।