ମୁମ୍ବାଇ: ସୋମବାର ବିଏସଇ ସେନସେକ୍ସ 397 ପଏଣ୍ଟ ଖସିଛି । ମୁଦ୍ରାସ୍ଫୀତି ନେଇ ଜାରି ସଦ୍ୟ ରିପୋର୍ଟ ମଧ୍ୟରେ ରିଲାଏନ୍ସ ଇଣ୍ଡଷ୍ଟ୍ରିଜ, ଏଚଡିଏଫସି ବ୍ୟାଙ୍କ, ଏଚଡିଏଫସି ଲିମିଟେଡ ଓ ଆଇସିଆଇସିଆଇ ବ୍ୟାଙ୍କ ସେୟାରରେ ସେଲଅଫ ଚାପ ଦେଖାଦେଇଛି । ଫଳରେ ପ୍ରମୁଖ ସେୟାର ସୂଚକାଙ୍କ ତଳମୁହାଁ ହୋଇଛି ।
ଆଜି ବମ୍ବେ ଷ୍ଟକ ଏକ୍ସଚେଞ୍ଜର 30 ସେୟାର ଆଧାରିତ ସେୟାର ସୂଚକାଙ୍କ 1,035.71 ପଏଣ୍ଟର ହ୍ରାସ ବୃଦ୍ଧି ମଧ୍ୟରେ ଶେଷରେ 397 ପଏଣ୍ଟ କମି 50,395.08 ପଏଣ୍ଟରେ ବନ୍ଦ ହୋଇଛି । ସେହିଭଳି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି ମଧ୍ୟ 101.45 ପଏଣ୍ଟ ଖସି 14,929.50 ପଏଣ୍ଟରେ ପହଞ୍ଚିଛି ।
ସେନସେକ୍ସର ସେୟାର ମଧ୍ୟରେ ସର୍ବାଧିକ କ୍ଷତି ବଜାଜ ଫିନସର୍ଭରେ ହୋଇଛି । ଆଉ ଲାଭରେ ରହିଥିବା ପ୍ରମୁଖ ସେୟାର ଭିତରେ ଟେକ ମହିନ୍ଦ୍ରା, ପାୱାରଗ୍ରୀଡ , ଇଣ୍ଡସଇଣ୍ଡ ବ୍ୟାଙ୍କ, ଏଚସିଏଲ ଟେକ ଓ ଏନଟିପିସି ସାମିଲ ରହିଛି ।