ମୁମ୍ବାଇ:ରେକର୍ଡ ସ୍ତରରେ ପୁଞ୍ଜି ବଜାର । ଆଜିକୁ 3 ଦିନ ଧରି ସେୟାର ସୂଚକାଙ୍କ ଉପରମୁହାଁ ସହ ଇକ୍ୟୁଟି ମାର୍କେଟ ପ୍ରଫିଟରେ ରହିଛି । ଆଜି ପ୍ରଥମଥର ପାଇଁ ସେନସେକ୍ସ 50,000 ପଏଣ୍ଟ ବୃଦ୍ଧି ସହ ବନ୍ଦ କରିଛି କାରବାର ।
ବୈଶ୍ବିକ ବଜାରରେ ଅଭିବୃଦ୍ଧି ଜାରି ମଧ୍ୟରେ ଘରୋଇ ବଜାରରେ ଏହାର ସକରାତ୍ମକ ପ୍ରଭାବ ଦେଖିବାକୁ ମିଳିଛି । ଆଜି ବମ୍ବେ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ସେନସେକ୍ସ 458 ପଏଣ୍ଟ ଉଛୁଳି ପ୍ରଥମଥର 50,255 ପଏଣ୍ଟରେ ବନ୍ଦ ହୋଇଛି । କାରବାର ସମୟରେ ଏହା 50,526.39 ପଏଣ୍ଟ ଯାଏଁ ଛୁଇଁଥିଲା । ଏଭଳି ଭାବେ ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି 142.10 ପଏଣ୍ଟ ବଢି 14,789.95 ପଏଣ୍ଟ ସହ ରେକର୍ଡ ସୃଷ୍ଟି କରିଛି । କାରବାର ସମୟରେ ଆଜି ଏହା ସବୁ ରେକର୍ଡ ଭାଙ୍ଗି 14,868.85 ପଏଣ୍ଟକୁ ଛୁଇଁଥିଲା ।
ସେନସେକ୍ସରେ ସାମିଲ ସେୟାର ମଧ୍ୟରେ ସର୍ବାଧିକ ଲାଭରେ ଇଣ୍ଡସଇଣ୍ଡ ବ୍ୟାଙ୍କ ରହିଛି । ଏଥିରେ ପାଖାପାଖୀ 8 ପ୍ରତିଶତ ବୃଦ୍ଧି ଦେଖାଦେଇଛି । ଏହା ବ୍ୟତିତ ପାୱାରଗ୍ରୀଡ, ଡ ରେଡ୍ଡୀଜ , ସନ ଫାର୍ମା, ଏନଟିପିସି ଓ ଆକ୍ସସ ବ୍ୟାାଙ୍କରେ ମଧ୍ୟ ଭଳ ବୃଦ୍ଧି ଦେଖାଦେଇଛି ।
ଅନ୍ୟପଟେ କ୍ଷତିରେ ରହିଥିବା ସେୟାର ମଧ୍ଯରେ ଅଲ୍ଟ୍ରାଟେକ ସିମେଣ୍ଟ, ମାରୁତି, ଆଇଟିସି,କୋଟାକ ବ୍ୟାଙ୍କ ଓ ଏସିଆନ ପେଣ୍ଟସ ସାମିଲ ଅଛି । ବଜାର ବିଶେଷଜ୍ଞଙ୍କ ଅନୁସାରେ ବଜେଟରେ ଐତିହାସିକ ଉପାୟର ଘୋଷଣା ଦ୍ବାରା ବଢିଛି ନିବେଶକଙ୍କ ବିଶ୍ବାସ । ସେପଟେ ଅନୁକୂଳ ବୈଶ୍ବିକ ସଙ୍କେତରୁ ମଧ୍ୟ ବଜାରକୁ ସମର୍ଥନ ମିଳିଛି । ଏହି ବୃଦ୍ଧି ସହ ଭାରତୀୟ ବଜାରର ବଜାର ପୁଞ୍ଜିକରଣ 2,00,000 ଅରବ ଟଙ୍କାର ନିକଟତର ହେଲାଣି ।
ଏସିଆର ଅନ୍ୟ ବଜାରରେ ହଂକଂର ହ୍ୟାଙ୍ଗସେଙ୍ଗ, ଦକ୍ଷିଣ କୋରିଆର କୋସ୍ପୀ ଓ ଜାପାନର ନିକ୍କ ଲାଭରେ ରହିଛି, ଯେତେବେଳେ କି ସଂଘାଇର କମ୍ପୋଜିଟ ଇଣ୍ଡେକ୍ସ କ୍ଷତିରେ ରହିଛି ।
