ନୂଆଦିଲ୍ଲୀ: ଦେଶର ସବୁଠୁ ପ୍ରମୁଖ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିର ବଜାର ପୁଞ୍ଜିକରଣ ମଙ୍ଗଳବାର ପାଖାପାଖୀ 11 ଲକ୍ଷ କୋଟି ଟଙ୍କାରେ ପହଞ୍ଚିଛି । ନ୍ୟାସନାଲ ଷ୍ଟକ ଏକ୍ସଚେଞ୍ଜରେ ରିଲାଏନ୍ସ ସେୟାର ସର୍ବକାଳୀନ ଉଚ୍ଚ ସ୍ତର 1,648.55 ଟଙ୍କାରେ ପହଞ୍ଚିଛି ।
ବଜାର ରିପୋର୍ଟ ଅନୁସାରେ ନ୍ୟାସନାଲ ଷ୍ଟକ ଏକ୍ସଚେଞ୍ଜରେ କମ୍ପାନୀର 2.45 କୋଟି ସେୟାର ତାଲିକାଭୁକ୍ତ ରହିଛି । ଏଭଳି ଭାବେ କମ୍ପାନୀର ବଜାର ପୁଞ୍ଜିକରଣ 10 ଲକ୍ଷ 98 ହଜାର କୋଟି ଟଙ୍କା ଅଛି ।
ବଜାର ପୁଞ୍ଜିକରଣର ଏହି ସ୍ତରକୁ ଛୁଇଁଥିବା ଏହା ପ୍ରଥମ ଭାରତୀୟ କମ୍ପାନୀ । କମ୍ପାନୀର ରାଇଟସ ଇସ୍ୟୁ ମଧ୍ୟ ସୋମବାର ସେୟାର ବଜାରରେ ତାଲିକାଭୁକ୍ତ ହୋଇଛି । କମ୍ପାନୀ ଏହାକୁ ଆଂଶିକ ଦେୟ ଆଧାରରେ ଆବଣ୍ଟନ କରିଛି ।
ରିଲାଏନ୍ସ କେବେ କେତେ ଦେଇଛି ରିଟର୍ଣ୍ଣ
- ଜାନୁଆରୀ 2020: -6.76 ପ୍ରତିଶତ
- ଫେବୃଆରୀ 2020: -5.88 ପ୍ରତିଶତ
- ମାର୍ଚ୍ଚ 2020: -16.17 ପ୍ରତିଶତ
- ଏପ୍ରିଲ 2020: 31.63 ପ୍ରତିଶତ
- ମେ 2020: 0.84 ପ୍ରତିଶତ
- ଜୁନ2020: 10.26 ପ୍ରତିଶତ (16 ଜୁନ ପର୍ଯ୍ୟନ୍ତ ତଥ୍ୟ)
