ନୂଆଦିଲ୍ଲୀ: ଗରିବଙ୍କ ଦୁଃଖ ଦୂର କରିବା ପଥରେ ମୋଦି ସରକାର । ଶସ୍ତାରେ ନିତ୍ୟବ୍ୟବହାର୍ଯ୍ୟ ସାମଗ୍ରୀ ଗହମ, ଚାଉଳ ଓ ଚିନି ଦେବାକୁ ଚଲାଇଛନ୍ତି ପ୍ରସ୍ତୁତି । ଏହା ଦ୍ବାରା ସମଗ୍ର ଦେଶରେ 16 କୋଟି ଗରିବ ପରିବାର ଲାଭବାନ ହୋଇପାରିବେ ।
ସରକାର ପ୍ରତି ମାସରେ ରାସନକାର୍ଡଧାରୀଙ୍କୁ ଅଧିକା 1 କିଲୋ ଚିନି, ଗହମ ଓ ଚାଉଳ ଦେବେ । ସୂଚନା ଯୋଗ୍ୟ ଯେ, ଫୁଡ କର୍ପୋରେସନ ଅଫ ଇଣ୍ଡିଆ ପାଖରେ ପର୍ଯ୍ୟାପ୍ତ ପରିମାଣରେ ଖାଦ୍ୟ ସାମଗ୍ରୀ ମହଜୁତ ରହିଛି । ଆଉ ଆଗକୁ ବର୍ଷା ଋତୁ । ଏଣୁ ପୁରୁଣା ଷ୍ଟକକୁ ଶେଷ କରିବାକୁ କମ୍ପାନୀ ବାଧ୍ୟ । ଏହା ସରିଲେ ପୁଣି ନୂଆ ଓ ଫ୍ରେସ ସାମଗ୍ରୀ ଆସିବ । ଏସବୁକୁ ନଜରରେ ରଖି ଖାଦ୍ୟ ମନ୍ତ୍ରାଣଳୟ ସରକାରଙ୍କ ସାମ୍ନାରେ ଏହି ପ୍ରସ୍ତାବ ରଖିଥିଲା । ଏହାକୁ ତଦନ୍ତ କରି ଶୀଘ୍ର ସରକାର ଏ ନେଇ ନିଷ୍ପତ୍ତି ନେବେ । ଏହା ଅନୁଯାୟୀ ଶୀଘ୍ର ସବସିଡିରେ ଚାଉଳ ଓ ଚିନି ମିଳିବ ।