ନୂଆଦିଲ୍ଲୀ: ବୈଶ୍ବିକ ସ୍ତରରେ ବହୁ ମୂଲ୍ୟ ଧାତୁ ଦାମ ହ୍ରାସ ପରେ ଘରୋଇ ବଜାରରେ ଖସୁଛି ସୁନା ଦାମ । ରୂପା ଦାମ ମଧ୍ୟ ବୁଧବାର କମିଛି । ଲଗାତାର ଭାବେ ସୁନା ଦାମ ଖସୁଛି ।
ବିବାହ ସିଜନ ଜାରି ରହିଥିବାବେଳେ ସୁନା ଦାମ ହ୍ରାସ ଗହଣା ପ୍ରେମୀଙ୍କୁ ଆଶ୍ବସ୍ତି ଦେଇଛି । ବୁଧବାର ଜାତୀୟ ରାଜଧାନୀ ଦିଲ୍ଲୀ ସରଫରା ବଜାରରେ ସୁନା ଦାମ 10 ଗ୍ରାମ ପ୍ରତି 717 ଟଙ୍କା ହ୍ରାସ ହୋଇ 46,102 ଟଙ୍କାରେ ପହଞ୍ଚିଛି । ଏଚଡିଏଫସି ସିକ୍ୟୁରିଟିଜ ଅନୁସାରେ ଏହା ପୂର୍ବରୁ ମଙ୍ଗଳବାର ସୁନା ଦାମ ସାମାନ୍ୟ କମି 46,819 ଟଙ୍କାରେ ବନ୍ଦ ହୋଇଥିଲା ।