ନୂଆଦିଲ୍ଲୀ: ଯୋଗ ଗୁରୁ ତଥା ପତଞ୍ଜଳୀ ପ୍ରତିଷ୍ଠାତା ବାବା ରାମଦେବଙ୍କ ଟାର୍ଗେଟରେ ମଲ୍ଟିନ୍ୟାସନାଲ କମ୍ପାନୀ ହିନ୍ଦୁସ୍ତାନ ଲିଭର (HUL)। କୁମ୍ଭମେଳାକୁ ନେଇ ବର୍ଣ୍ଣିତ ହୋଇଥିବା କମ୍ପାନୀର ଏକ ଚା’ ବିଜ୍ଞାପନକୁ ନେଇ ବର୍ଷିଛନ୍ତି ରାମଦେବ । ଏଚୟୁଏଲ ଭାରତୀୟ ସଂସ୍କୃତିକୁ ଉପହାସ କରୁଥିବା ନେଇ ରାମଦେବ ଟ୍ୱିଟ କରିଛନ୍ତି ।
ରାମଦେବ ଟ୍ୱିଟ କରି କହିଛନ୍ତି ଯେ, ମୋର MNCs (ମଲ୍ଟି ନ୍ୟସନାଲ କମ୍ପାନୀ) ସିଧା ପ୍ରଶ୍ନ ଯେ, ଭାରତର ଆର୍ଥିକ ଓ ସଂସ୍କୃତିକ ବିକାଶରେ ସେମାନଙ୍କ କଣ ଯୋଗଦାନ ରହିଛି । ସେମାନଙ୍କ ଔକାତ କଣ ? ଯେ ସେମାନେ ଭାରତର ଗୌରବଶାଳୀ ସଂସ୍କୃତି ବିଷୟରେ ଭଲ ଟିପ୍ପଣୀ ଦେବେ ? କଣ ଏମାନଙ୍କ ପାଇଁ ଭାରତ ବଜାର କେବଳ ଲୁଟର ମାଧ୍ୟମ ?
ଏଥିସହ #BoycottHindustanUnilever #BoycottHULproducts ଟ୍ୟାଗ ରହିଛି । ଅର୍ଥାତ ବହୁ ରାଷ୍ଟ୍ରୀୟ ବିଦେଶୀ କମ୍ପାନୀ ଏଚୟୁଏଲକୁ ଏକଘରିଆ (ବୟକଟ) କରିବାକୁ ମଧ୍ୟ ରାମଦେବ ପ୍ରତ୍ୟକ୍ଷ ଭାବେ କହିଛନ୍ତି ।