ନୂଆଦିଲ୍ଲୀ: ଚଳିତ ଆର୍ଥିକ ବର୍ଷର ପ୍ରଥମ ତ୍ରୟମାସ (ଏପ୍ରିଲ-ଜୁନ)ରେ ମୋଟ ଘରୋଇ ଉତ୍ପାଦ (ଜିଡିପି)ରେ 23.9 ପ୍ରତିଶତ ହ୍ରାସକୁ ଚିନ୍ତାଜନକ ଦର୍ଶାଇଛନ୍ତି ଭାରତୀୟ ରିଜର୍ଭ ବ୍ୟାଙ୍କର ପୂର୍ବତନ ଗଭର୍ଣ୍ଣର ରଘୁରାମ ରାଜନ । ସେ କହିଛନ୍ତି କି ଅମଲାତନ୍ତ୍ରକୁ ଏବେ ଆତ୍ମସନ୍ତୋଷରୁ ବାହାରକୁ ଆସି କିଛି ଅର୍ଥପୂର୍ଣ୍ଣ ପଦକ୍ଷେପ ନେବାକୁ ପଡିବ ।
ବର୍ତ୍ତମାନର ସଙ୍କଟ ସମୟରେ ଅଧିକ ବିଚାରଶୀଳ ଓ ସକ୍ରିୟ ସରକାର ଆବଶ୍ୟକ । ରାଜନ କହିଛନ୍ତି କି ‘ ଦୁର୍ଭାଗ୍ୟବଶଃତ ଆରମ୍ଭରେ ଯେଉଁ ସବୁ ଗତିବିଧି ଆକସ୍ମିତ ବୃଦ୍ଧି ପାଇଥିଲା , ତାହା ଏବେ ଥଣ୍ଡା ପଡିଯାଇଛି ।
ରାଜନ ନିଜ ଲିଙ୍କଡଇନ ପୃଷ୍ଠାରେ ଏକ ପୋଷ୍ଟରେ ଲେଖିଛନ୍ତି କି , ‘‘ଅର୍ଥନୈତିକ ଅଭିବୃଦ୍ଧିର ଏତେ ବଡ ହ୍ରାସ ଆମ ସମସ୍ତଙ୍କ ପାଇଁ ଚେତାବନୀ ଅଟେ। ଭାରତର ଜିଡିପି 23.9 ପ୍ରତିଶତ ହ୍ରାସ ହୋଇଛି (ଅସଙ୍ଗଠିତ କ୍ଷେତ୍ରର ତଥ୍ୟ ଆସିବା ପରେ ଏହି ହ୍ରାସ ଆହୁରି ଅଧିକ ହୋଇପାରେ )। ସେହିପରି କୋଭିଡ -19 ଦ୍ୱାରା ସର୍ବାଧିକ ପ୍ରଭାବିତ ଦେଶ ମଧ୍ୟରେ ଇଟାଲୀରେ 12.4 ପ୍ରତିଶତ ଏବଂ ଆମେରିକାରେ 9.5 ପ୍ରତିଶତ ହ୍ରାସ ଦେଖିବାକୁ ମିଳିଛି ।
ଭାରତରେ କୋଭିଡ -19 ମାମଲା ଏବେ ମଧ୍ୟ ବୃଦ୍ଧି ପାଉଛି। ଏପରି ପରିସ୍ଥିତିରେ, ମହାମାରୀ ନିୟନ୍ତ୍ରଣ ନ ହେବା ପର୍ଯ୍ୟନ୍ତ ରେଷ୍ଟୁରାଣ୍ଟ ପରି ସେବାଗୁଡିକରେ ଖର୍ଚ୍ଚ ଓ ଏହାସହ ଜଡିତ ରୋଜଗାର ନିମ୍ନ ସ୍ତରରେ ରହିବ ବୋଲି ରାଜନ ମତ ରଖିଛନ୍ତି ।
ଏ ନେଇ ରାଜନ ନିଜ ଯୁକ୍ତିରେ ରହିଛନ୍ତି କି, ଏଭଳି ସମୟରେ କିଛି ପଦକ୍ଷେପ ନେବକୁ ସରକାର ପଛଘୁଞ୍ଚା ଦେଉଛନ୍ତି , ଯେପରି ଭବିଷ୍ୟତରେ ସମ୍ଭାବିତ ପ୍ରୋତ୍ସାହନ ପାଇଁ ସାଧନ ବଞ୍ଚାଯାଇପାରିବ । ଯାହାକି ଏକ ଆତ୍ମଘାତୀ ରଣନୀତି ।
ଏକ ଉଦାହରଣ ଦେଇ ସେ କହିଛନ୍ତି କି, ଯଦି ଆମେ ଅର୍ଥବ୍ୟବସ୍ଥାର ରୋଗୀ ଭାବେ ନେବା ତେବେ ରୋଗୀକୁ ସେହି ସମୟରେ ସବୁଠୁ ଅଧିକ ରିଲିଫର ଆବଶ୍ୟକ, ଯେବେ ସେ ବିଞ୍ଛଣାରେ ରୋଗ ସହ ଲଢୁଥିବ ।
ରିଜର୍ଭ ବ୍ୟାଙ୍କର ପୂର୍ବତନ ଗଭର୍ଣ୍ଣର କହିଛନ୍ତି ଯେ ବର୍ତ୍ତମାନ ଅର୍ଥନୈତିକ ପ୍ରୋତ୍ସାହନକୁ ଏକ ଟନିକ ବୋଲି ବିଚାର କରାଯାଉ। "ଯେତେବେଳେ ରୋଗ ସମାପ୍ତ ହେବ, ସେତେବେଳେ ରୋଗୀ ଶୀଘ୍ର ନିଜ ବିଞ୍ଛଣାରୁ ଉଠିପାରିବ । କିନ୍ତୁ ଯଦି ରୋଗୀର ଅବସ୍ଥା ଅତ୍ୟନ୍ତ ଖରାପ ହୋଇଯାଏ, ତେବେ ପ୍ରୋତ୍ସାହନ ତାଙ୍କ ପାଇଁ ଲାଭଦାୟକ ହେବ ନାହିଁ।
