ନୂଆଦିଲ୍ଲୀ: ଟଳମଳ ଅର୍ଥବ୍ୟବସ୍ଥା । ବ୍ୟୟ ଠାରୁ ଆୟ କମ । ହ୍ରାସ ପାଉଛି ରାଜସ୍ବ । ଲଗାମଛଡା ନିୟଣ୍ଟ ହାର । ସଙ୍କଟ ମୋଡରେ ଦେଶ ଅର୍ଥନୀତିର ହିସାବ ନିକାସ । ନିର୍ବାଚନ ପୂର୍ବରୁ ଆର୍ଥିକ ନିୟଣ୍ଟରେ ବୃଦ୍ଧି ସରକାରଙ୍କୁ ଚିନ୍ତାରେ ପକାଇଦେଇଛି ।
2018-19ରେ ଏପ୍ରିଲରୁ ଜାନୁଆରୀ ମଧ୍ୟରେ ଆର୍ଥିକ ନିୟଣ୍ଟ 7.7 ଲକ୍ଷ କୋଟିରେ ରହିଛି । ଯାହାକି ମୋଟ ବଜେଟ ଆକଳନ ପାଖାପାଖି 121.5 ପ୍ରତିଶତ । ପୂର୍ବରୁ ଆର୍ଥିକ ନିୟଣ୍ଟ ଲକ୍ଷ୍ୟ 6ଲକ୍ଷ 34 ହଜାର କୋଟି ମଧ୍ୟରେ ରହିବ ବୋଲି ଅନୁମାନ କରାଯାଉଥିଲା । ହେଲେ ବର୍ତ୍ତମାନର ଆର୍ଥିକ ରିପୋର୍ଟ ସରକାରଙ୍କ ପୂରା ହିସାବକୁ ଗଡବଡ କରିଦେଇଛି ।