ନୂଆଦିଲ୍ଲୀ: ଭାରତୀୟ ଷ୍ଟେଟ ବ୍ୟାଙ୍କ (SBI) ଗ୍ରାହକଙ୍କ ପାଇଁ ବଡ ଖବର । ଟଙ୍କା ଉଠାଣ ପୂର୍ବରୁ ଜାଣିନିଅନ୍ତୁ ଏହି ନୂଆ ନିୟମ । ନଚେତ ଭୋଗିବାକୁ ପଡିପାରେ ବଡ ସମସ୍ୟା ।
ଗ୍ରାହକଙ୍କ ପାଇଁ ଟଙ୍କା ଉଠାଣ ନିୟମରେ ପରିବର୍ତ୍ତନ କରିଛି ବ୍ୟାଙ୍କ । ଏଣିକି ଏସବିଆଇ ତାର ବେସିକ ସେଭିଂ ବ୍ୟାଙ୍କ ଡିପୋଜିଟ (BSBD) ଖାତାଧାରୀଙ୍କୁ ଗୋଟିଏ ମାସରେ କେବଳ 4 ଟି ମାଗଣା ଉଠାଣ ଉଠାଣ ସୁବିଧା ଦେବ । ଯଦି 4 ଥରରୁ ଅଧିକ ଥର ଟଙ୍କା ଉଠାଉଛନ୍ତି ତେବେ ତା ଉପରେ ଲାଗିବ ଚାର୍ଜ । ବ୍ୟାଙ୍କ ଏହି ଗ୍ରାହକଙ୍କୁ 1 ବର୍ଷ ମଧ୍ୟରେ 10 ପୃଷ୍ଠାର ଚେକବୁକ ଦେବ । ଏହା ପରେ ଚେକବୁକ ନେବା ଉପରେ ବି ଶୁଳ୍କ ନିଆଯିବ । ନୂଆ ନିୟମ ଜୁଲାଇରୁ ଲାଗୁ ହେବ ।
ସେହିଭଳି ଅତିରିକ୍ତ ଭେଲ୍ୟୁ ଆଡେଡ ସେବା ଉପରେ ବି ଶୁଳ୍କ ଲାଗିବ । BSBD ଖାତା ପାଇଁ ସେବା ଶୁଳ୍କରେ ସଂଶୋଧନ ଅନୁସାରେ ଏସବିଆଇ 2021 ଜୁଲାଇ 1 ରୁ ‘ ଅତିରିକ୍ତ ମୂଲ୍ୟ ଯୋଗ ସେବା’(additional Value added services) ପାଇଁ 15 ରୁ 75 ଟଙ୍କା ଯାଏଁ ଶୁଳ୍କ ନେବ ।