RBIର ଏହି ନିୟମ ଲାଗୁ ହେଲ ଉଦୟ କୋଟାକଙ୍କୁ ଛାଡିବାକୁ ପଡିବ ପଦ...

କୋଟାକ ମହିନ୍ଦ୍ରା ବ୍ୟାଙ୍କର ସିଇଓ ଉଦୟ କୋଟାକ ସିଇଓ ପଦ ଛାଡିପାରନ୍ତି ! ଯଦି ଆରବିଆଇ ଦ୍ବାରା ପ୍ରସ୍ତାବିତ ଏହି ନିୟମ ଲାଗୁ ହୁଏ ତେବେ କୋଟାକ ପଦ ଛାଡିବେ। ଅଧିକ ପଢନ୍ତୁ..

ନୂଆଦିଲ୍ଲୀ: ଆଗାମୀ ଦିନରେ କୋଟାକ ମହିନ୍ଦ୍ରା ବ୍ୟାଙ୍କର ସିଇଓ ଉଦୟ କୋଟାକ ନିଜ ପଦ ଛାଡିପାରନ୍ତି ! କାରଣ ରିଜର୍ଭ ବ୍ୟାଙ୍କ ବ୍ୟାଙ୍କ CEO ଓ WTDଙ୍କ ବୟସସୀମା 70 ବର୍ଷ ସର୍ବାଧିକ କାର୍ଯ୍ୟକାଳ 10 ବର୍ଷ କରିବାକୁ ରିଜର୍ଭ ବ୍ୟାଙ୍କ ପ୍ରସ୍ତାବ ଦେଇଛି । ଯଦି ଏହି ଲାଗୁ ହୁଏ ତେବେ ଉଦୟ କୋଟାକଙ୍କୁ ପଦରୁ ଇସ୍ତଫା ଦେବାକୁ ହେବ ।

ଗୁରୁବାର ଆରବିଆଇ ଦ୍ବାରା ପ୍ରକାଶିତ ଆଲୋଚନା ପତ୍ରରେ ଦର୍ଶାଯାଇଛି ଯେ, ବ୍ୟାଙ୍କଗୁଡିକର ପ୍ରମୋଟର୍ ଗ୍ରୁପ୍ ସହିତ ସମ୍ପୃକ୍ତ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଏବଂ ପୂର୍ଣ୍ଣକାଳୀନ ନିର୍ଦ୍ଦେଶକ(WTD)ଙ୍କ ବୟସ ସୀମାକୁ 70 ବର୍ଷ ଓ ସର୍ବାଧିକ କାର୍ଯ୍ୟକାଳ 10 ବର୍ଷ କରାଯାଉ । ଏହି ପ୍ରସ୍ତାବକୁ ଦେଖିବାକୁ ଗଲେ ଉଦୟ କୋଟାକ ଘରୋଇ ବ୍ୟାଙ୍କ କ୍ଷେତ୍ରରେ ଦୀର୍ଘ ଅବଧି ଧରି ସିଇଓ ପଦରେ ରହିଛନ୍ତି ।

ଉଦୟ କୋଟାକ 2003ରୁ କୋଟକ ମହିନ୍ଦ୍ରା ବ୍ୟାଙ୍କର ନେତୃତ୍ବ ନେଉଛନ୍ତି । ଅର୍ଥାତ ତାଙ୍କର ମୋଟ କାର୍ଯ୍ୟକାଳ ଏବେ ସୁଦ୍ଧା 17 ବର୍ଷ ହୋଇସାରିଲାଣି । ସେହିଭଳି ଏକ ଅନ୍ୟ ବ୍ୟାଙ୍କିଙ୍କ ଦିଗଜୟ ଏଚଡିଏଫସି ସିଇଓ ଆଦିତ୍ୟ ପୁରୀଙ୍କ ମଧ୍ୟ ଏହି ଶ୍ରେଣୀରେ ଆସୁଛନ୍ତି । କିନ୍ତୁ ଏ ବର୍ଷ ଶେଷ ସୁଦ୍ଧା ସେ ଅବସର ନେବାକୁ ଯାଉଛନ୍ତି ।

ପ୍ରକାଶ ଯେ, ଏହି ଆଲୋଚନା ପତ୍ରରେ ଆରବିଆଇ ବିଭିନ୍ନ ହିତାଧାରୀଙ୍କୁ ଜୁଲାଇ 15 ସୁଦ୍ଧା ପରାମର୍ଶ ମାଗିଛି । ଏଥିରେ କୁହାଯାଇଛି କି, ‘‘ ବ୍ୟାଙ୍କର ସିଇଓ ଏବଂ WTDଙ୍କ ପାଇଁ ବୟସ ସୀମା 70 ବର୍ଷ ରହିଛି । ଏହା ପରେ ଏହି ପୋଷ୍ଟରେ କେହି ରହିପାରିବେ ନାହିଁ । 70 ବର୍ଷର ସର୍ବାଧିକ ସୀମା ମଧ୍ୟରେ ବ୍ୟାଙ୍କ ବୋର୍ଡ ଆଭ୍ୟନ୍ତରୀଣ ନୀତି ଭାବରେ ସିଇଓ / WTD ର ବୟସ ସୀମା ହ୍ରାସ କରିପାରିବ ।’