ନୂଆଦିଲ୍ଲୀ: ଡିଜିଟାଲ ଟ୍ରାଞ୍ଜାକ୍ସନ ବୃଦ୍ଧିକୁ ଦେଖି ଫେସବୁକ ବି ଲଞ୍ଚ କରିଛି ନିଜସ୍ବ ଇ-ବାଲାନ୍ସ ‘ଫେସବୁକ ପେ’ । ପ୍ରଥମେ ଏହି ସେବା କେବଳ ଫେସବୁକ ଓ ମେସେଞ୍ଜରରେ ମିଳିବ । ପରେ ଏହାକୁ ହ୍ବାଟସଆପ ଓ ଇଷ୍ଟ୍ରାଗାମରେ ଉପଲବ୍ଧ କରାଯିବ ।
ତେବେ ବର୍ତ୍ତମାନ ଏହାକୁ ଆମେରିକାରେ ଆରମ୍ଭ କରାଯାଇଛି । ଏହା ଜରିଆରେ ପାଣ୍ଠି ସଂଗ୍ରହ, ଇନ-ଗେମ ଟ୍ରାଞ୍ଜାକ୍ସନ , ବିଭିନ୍ନ କାର୍ଯ୍ୟକ୍ରମ ପାଇଁ ଟିକେଟ ବୁକ, ମେସେଞ୍ଜରରେ ପର୍ସନ ଟୁ ପର୍ସନ ପେମେଣ୍ଟ ଏହଂ ଫେସବୁକ ମାର୍କେଟପ୍ଲସରେ କିଣାବିକା ଆଦି କରାଯିବ ।
ପ୍ରକାଶ ଯେ, ବର୍ଷ ଶେଷ ସୁଦ୍ଧା ହ୍ବାଟସଆପ ମଧ୍ୟ ଏଭଳି ସାମନ ଧରଣର ପେମେଣ୍ଟ ସର୍ବିସ ଦେବାକୁ ଲକ୍ଷ୍ୟ ରଖିଛି ।
କିପରି ବ୍ୟବହାର କରିବେ ଏହି ଆପ ?
- ତେବେ ଏହି ଆପକୁ ବ୍ୟବହାର କରିବା ପାଇଁ ଆପଣ ପ୍ରଥମେ ୟୁଜର ସେଟିଙ୍ଗ ସିଲେକ୍ଟ କରିବେ ।
- ଏହା ପରେ ଫେସବୁକ ପେ ଅପ୍ସନକୁ ଚୟନ କରିବେ ।
- ଏକ ପେମଣ୍ଟ ମେଥଡକୁ ବାଛିବେ ।
- ପରେ ଆପଣ ପେମଣ୍ଟ ପାଇଁ ଫେସବୁକ ପେ କୁ ବ୍ୟବହାର କରିପାରିବେ । ପ୍ରାୟତଃ ଡେବିଟ ଓ କ୍ରେଡିଟ କାର୍ଡ ସବୁ ‘ଫେସବୁକ ପେ’ରେ ବ୍ୟବହାରଯୋଗ୍ୟ । ତେବେ ପେମେଣ୍ଟ ବେଳେ ୟୁଜରଙ୍କୁ ଏକ ପିନ ଦେବାକୁ ପଡିବ ଅଥବା ଅଥେଣ୍ଟିଫିକେସନ ପାଇଁ ସେମାନଙ୍କ ଡିଭାଇସର ବାୟୋମେଟ୍ରିକ୍ସ ଗଣନୀୟ ହେବ । ହଁ ସୁରକ୍ଷା ପାଇଁ ଚିନ୍ତା କରନ୍ତୁ ନାହଁ । ଏଥିପାଇଁ ସମସ୍ତ ପ୍ରକାର ଅତିରିକ୍ତ ବ୍ୟବସ୍ଥା ରହିଛି । ଏଥିରେ ଆଣ୍ଟି-ଫ୍ରଡ ମନିଟରିଂ ସିଷ୍ଟମ ରହିଛି , ଯାହା ଅପ୍ରାଧିକୃତ ଟ୍ରାଞ୍ଜାକ୍ସନକୁ ଚିହ୍ନଟ କରିବ ।
