ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ ଓ କେନ୍ଦ୍ରକୁ ସୁପ୍ରିମକୋର୍ଟଙ୍କ ନୋଟିସ ଜାରି । ଜଷ୍ଟିସ ଅଶୋକ ଭୂଷଣଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏକ ଯାଚିକା ଆଧାରରେ ଏହି ନୋଟିସ ଜାରି କରିଛନ୍ତି । ଏହି ଯାଚିକାରେ ଆରବିଆଇ ଦ୍ବାରା ଘୋଷଣା ହୋଇଥିବା 3 ମାସର ଇଏମଆଇ ସ୍ଥଗିତ ନିଷ୍ପତ୍ତିକୁ ଚ୍ୟାଲେଞ୍ଜ କରାଯାଇଛି ।
ଏହି ଯାଚିକା ଗଜେନ୍ଦ୍ର ଶର୍ମାଙ୍କ ଦ୍ବାରା ଦାଏର କରାଯାଇଛି । ଏଥିରେ ଇଏମଆଇ ସ୍ଥଗିତ ଅବଧି ପରେ ପୁଣି ସୁଧ ଆଦାୟ କରିବା ପଦକ୍ଷେପ ଅସମ୍ବିଧାନିକ ବୋଲି ଆରୋପ ଲଗାଇଛି । କାରଣ ଲୋକ ଆର୍ଥିକ ସଙ୍କଟର ସାମ୍ନା କରୁଛନ୍ତି । ଲକଡାଉନ ଯୋଗୁଁ ଆୟ ହ୍ରାସ ପାଇଛି ।