ହାଇଦ୍ରାବାଦ: କୋରୋନା ମାଡରେ ଅର୍ଥନୀତି ଗଭୀର ଭାବେ ପ୍ରଭାବିତ ହେବା ସହ ସବୁ ସେକ୍ଟର ଆୟ ଖସିଛି । ଏପରିକି ଅର୍ଥବ୍ୟବସ୍ଥାରେ ବଡ ଯୋଗଦାନ ରଖୁଥିବା ଭାରତୀୟ ରେଳବାଇ ମଧ୍ୟ ଲକଡାଉନ ଓ ସଟଡାଉନ କାରଣରୁ ପ୍ରବଳ କ୍ଷତି ସହିଛି ।
ତେବେ ପରବର୍ତ୍ତୀ ସମୟରେ ପ୍ରବାସୀ ଶ୍ରମିକଙ୍କୁ ସେମାନେଙ୍କ ଘରେ ପହଞ୍ଚାଇବା ପାଇଁ ସରକାରଙ୍କ ନିର୍ଦ୍ଦେଶ କ୍ରମେ ଭାରତୀୟ ରେଳବାଇ 2020 ମେ ପହିଲାରୁ ଶ୍ରମିକ ଟ୍ରେନ ଚଳାଚଳ ଆରମ୍ଭ କରିଥିଲା । ମେ 12 ରୁ ରାଜଧାନୀ ସ୍ପେଶାଲ ସେବା ଆରମ୍ଭ ହୋଇଥିଲା ।
ପରେ ପର୍ଯ୍ୟାୟ କ୍ରମେ ଏହାର ସଂଖ୍ୟା ବଢିବାରେ ଲାଗିଲା । ଭାରତୀୟ ରେଳ 1206 ମେଲ / ଏକ୍ସପ୍ରେସ ସ୍ପେଶାଲ ଟ୍ରେନ, 204 ପାସେଞ୍ଜର ଟ୍ରେନ ଏବଂ 5017 ଲୋକାଲ ଟ୍ରେନ ଗଡିଲା । ଅତିରିକ୍ତ 684 ଫେଷ୍ଟିଭ ସ୍ପେଶାଲ ଟ୍ରେନ ଗଡିଥିଲା । ଭାରତୀୟ ରେଳବାଇ ସ୍ଥିତି ପରିସ୍ଥିତି ଉପରେ ତୀକ୍ଷ୍ନ ନଜର ରଖିଛି ଏବଂ ନିୟମିତ ଟ୍ରେନ୍ କାର୍ଯ୍ୟ ଆରମ୍ଭ କରିବାକୁ ପ୍ରସ୍ତୁତ ରହିଛି ।