ନୂଆଦିଲ୍ଲୀ: ବ୍ୟାଙ୍କିଙ୍ଗ ପ୍ରଣାଳୀରେ ରିଜର୍ଭ ବ୍ୟାଙ୍କ ଆଣିଲା ବଡ ସଂସ୍କାର । ଏଣିକି ଗ୍ରାହକଙ୍କ ଅଭିଯୋଗ ସମାଧାନ ପାଇଁ 3 ଟି ନୁହେଁ ବରଂ ରହିବ ଗୋଟିଏ ଲୋକପାଳ । ଗୋଟିଏ ରାଷ୍ଟ୍ର , ଗୋଟିଏ ବ୍ୟାଙ୍କ ଲୋକପାଳ ’ ନିୟମ ଲାଗୁ ପାଇଁ ଘୋଷଣା କରିଛି ଆରବିଆଇ ।
ଆରବିଆଇ କହିଛି କି, ବ୍ୟାଙ୍କିଙ୍ଗ ବ୍ୟବସ୍ଥାରେ ଗ୍ରାହକଙ୍କ ଅଭିଯୋଗ ନିବାରଣ ପ୍ରଣାଳୀର ଏକତ୍ରୀକରଣ କରିବା ଆବଶ୍ୟକ ରହିଛି । ଏବେ ଦେଶର ବ୍ୟାଙ୍କିଙ୍ଗ ପ୍ରଣାଳୀରେ 3 ଅଲଗା ଅଲଗା ଲୋକପାଳ (ombudsman) ରହିଛି । ଏହି ବ୍ୟାଙ୍କ ଲୋକପାଳ ବ୍ୟାଙ୍କିଙ୍ଗ, ଅଣ ବ୍ୟାଙ୍କିଙ୍ଗ ଆର୍ଥିକ କମ୍ପାନୀ (ଏନବିଏଫସି) ତଥା ଡିଜିଟାଲ ନେଣଦେଣ ପାଇଁ ରହିଥାଏ । ତେବେ ବିବାଦ ସମାଧାନ ଢାଞ୍ଚାକୁ ସରଳ କରିବା ପାଇଁ ଆରବିଆଇ ଗୋଟିଏ ଲୋକପାଳ ଆଣିବା ନେଇ ଶୁକ୍ରବାର ମୁଦ୍ରାନୀତି କମିଟି ବୈଠକ ପରେ କହିଛି ।