ଭୁବନେଶ୍ବର: ଅର୍ଥନୀତିରେ ଅଭିବୃଦ୍ଧି ହେଲେ ଦେଶର ଅଗ୍ରଗତି ହୋଇଥାଏ । ଏ ନେଇ ଅର୍ଥନୀତିର ଭିତ୍ତିଭୂମି ସଜାଡିବ ସହ ସାମଗ୍ରୀ ଓ ସେବା ଶୁକ୍ଳ(GST)କୁ ଗୁରୁତ୍ବ ଦିଆଯାଏ । ରାଜ୍ୟ ଜିଏସଟି ସଂଗ୍ରହ କ୍ଷେତ୍ରରେ ଆୟ ୪୩%କୁ ବୃଦ୍ଧି ହୋଇଛି (Odisha records 43 pc growth rate in GST collection ) । ୨୦୨୧ ଡିସେମ୍ବର ସୁଦ୍ଧା ମୋଟ ୪୦୮୦.୧୪ କୋଟି ଟଙ୍କାର ଶୁକ୍ଳ ଆଦାୟ ହୋଇଛି ।
୨୦୨୦ରେ ମଧ୍ୟ ଜିଏସଟି ଆଦାୟ ୨୮୬୦.୨୦ କୋଟି ଟଙ୍କା ରହିଥିଲା । ରାଜ୍ୟ ଜିଏସଟି ଆଦାୟରେ କ୍ରମାଗତ ଚତୁର୍ଥ ଥର ପାଇଁ ରେକର୍ଡ ପରିମାଣର ସଂଗ୍ରହ ହୋଇଛି । ଜିଏସଟି ଶୁଭାରମ୍ଭ ହେବା ପରେ ଏହା ହେଉଛି ଦ୍ବିତୀୟ ବୃହତ ଜିଏସଟି ସଂଗ୍ରହ । ଡିସେମ୍ବର ୨୦୨୧ରେ ୩୨, ୧୧୩ କୋଟି ହୋଇଥିବାବେଳେ ଗତ ବର୍ଷ ଏହି ସମୟରେ ୨୦, ୦୮୯ କୋଟି ଆଦାୟ କରାଯାଇଥିଲା । ପୂର୍ବ ବର୍ଷ ତୁଳନାରେ ୨୦୨୧ ୬୦% ଅଧିକ ଶୁକ୍ଳ ଆଦାୟ ହୋଇଛି।