ନୂଆଦିଲ୍ଲୀ: ଅଟୋମୋବାଇଲ ସେକ୍ଟରକୁ ଆଶ୍ବସ୍ଥି । ବନ୍ଦ ହେବନି ପେଟ୍ରୋଲ ଓ ଡିଜେଲ ଚାଳିତ ଯାନବାହନ । ଏନେଇ ଗୁରୁବାର ସ୍ପଷ୍ଟୀକରଣ ଦେଇଛନ୍ତି କେନ୍ଦ୍ର ସଡକ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡକରୀ । ସରକାରଙ୍କ ଏଭଳି ଦୃଢୋକ୍ତିରେ ଅଟୋ ମୋବାଇଲ ସେକ୍ଟର ଆଇସିଇ( ଇଣ୍ଟରନାଲ କମ୍ବକ୍ସନ ଇଞ୍ଜିନ)ଯାନବାହନକୁ ନେଇ ଥିବା ଦୂନ୍ଦ ଦୂର ହୋଇଛି ।
ଏସଆଇଏଏମ(ସୋସାଇଟି ଅଫ ଇଣ୍ଡିଆନ ଅଟୋମୋବାଇଲ ମାନୁଫ୍ୟାକ୍ଚର୍ସ)ବାର୍ଷିକ ସମ୍ମିଳନୀରେ ମୁଖ୍ୟ ଅତିଥି ଭାବେ ଯୋଗ ଦେଇ ନୀତିନ ଗଡକରୀ କହିଛନ୍ତି ଯେ, ସରକାର ପେଟ୍ରୋଲ ଓ ଡିଜେଲ ଚାଳିତ ଯାନବାହାନ ଉପରେ ରୋକ ଲଗାଇପାରନ୍ତି ବୋଲି ଆଶଙ୍କା କରି ଲୋକେ ଆଇସିଇ ଗାଡି କିଣିବାକୁ ପଛଘୁଞ୍ଚା ଦେଉଛନ୍ତି। ଏବେ ନିଶ୍ଚିତ ରହନ୍ତୁ ଯେ ଏନେଇ କୌଣସି ପ୍ରକାର ନିଷେଧାଦେଶ ଲାଗୁ ହେବ ନାହିଁ।