ନୂଆଦିଲ୍ଲୀ: ଶସ୍ତା ହେବ ଫ୍ଲାଟ । ଘର କିଣିବା ଉପରେ ଆଉ ଦେବାକୁ ପଡିବନି 12 ପ୍ରତିଶତ ଜିଏସଟି। ମାତ୍ର 5 ପ୍ରତିଶତ ଟ୍ୟାକ୍ସ ଦେଇ କିଣିପାରିବେ ନିଜ ସ୍ୱପ୍ନର ଘର । କେବଳ ଘର କିଣିବାକୁ ଥିବା ଗ୍ରାହକ ନୁହେଁ ଏଥିଯୋଗୁଁ ରିୟଲ ଇଷ୍ଟେଟ ବ୍ୟବସାୟୀ ବି ହେବେ ଲାଭପ୍ରଦ । ତେବେ ଆସନ୍ତା ସପ୍ତାହ ସୁଦ୍ଧା ଆସିବ ଚୂଡାନ୍ତ ନିଷ୍ପତ୍ତି ।
ପ୍ରକାଶ ଥାଉ ଯେ, ଜାନୁଆରୀ 10ରେ ହୋଇଥିବା 31ତମ ଜିଏଟି ବୈଠକରେ ରିୟଲ ଇଷ୍ଟେଟ କ୍ଷେତ୍ରରେ ସ୍ଲାବ ହ୍ରାସକୁ ନେଇ କୌଣସି ନିଷ୍ପତ୍ତି ନିଆଯାଇପାରିନଥିଲା। ଶେଷରେ କମିଟିର ସମର୍ଥନ କ୍ରମେ 6ଜଣିଆ ମନ୍ତ୍ରୀମଣ୍ଡଳ (ଜିଓଏମ) ଗଠନ କରାଯାଇଥିଲା। ନୂଆ ଘର ଉପରେ ଜିଏସଟି ହାର କେତେ ରହିବ, ସେ ନେଇ ଏହି ଗ୍ରୁପ ଅନୁଧ୍ୟାନ କରିବ।