ନୂଆଦିଲ୍ଲ: ସରକାର କୋଭିଡ-19 ସଙ୍କଟ ମଧ୍ୟରେ ଖର୍ଚ୍ଚ ଆବଶ୍ୟକତାକୁ ପୂରା କରିବା ପାଇଁ ଚଳିତ ଆର୍ଥିକ ବର୍ଷର ଦ୍ବିତୀୟ ଛଅମାସରେ 4.64 ଲକ୍ଷ କୋଟି ଟଙ୍କା ଋଣ ନେବେ । ଏ ନେଇ ଅର୍ଥମନ୍ତ୍ରାଳୟ ସୂଚନା ଦେଇଛି ।
ଆର୍ଥିକ ମାମଲାର ସଚିବ ତରୁଣ ବଜାଜ କହିଛନ୍ତି କି ସରକାର ଚଳିତ ଆର୍ଥିକ ବର୍ଷରେ 12 ଲକ୍ଷ କୋଟି ଟଙ୍କା ଋଣ ଯୋଗାଡର ଲକ୍ଷ୍ୟ କାଏମ ରହିଛି । ତେବେ ସରକାର ସେପ୍ଟେମ୍ବରକୁ ସମାପ୍ତ ସପ୍ତାହ ପ୍ରଥମ ଛଅମାସରେ 7.66 ଲକ୍ଷ କୋଟି ଟଙ୍କା ଋଣ ନେଇଛନ୍ତି । ଆଉ ଅବଶିଷ୍ଟ 4.34 ଲକ୍ଷ କୋଟି ଟଙ୍କା ଚଳିତ ଆର୍ଥିକ ବର୍ଷର ଦ୍ବିତୀୟ ତ୍ରୟମାସରେ ନିଆଯିବ ।
ସରକାର ଚଳିତ ଆର୍ଥିକ ବର୍ଷର ପ୍ରଥମ ଛଅମାସରେ ମୋଟ 6.98 ଲକ୍ଷ କୋଟି ଟଙ୍କା ଋଣ ମଧ୍ୟରୁ 58 ପ୍ରତିଶତ ସିକ୍ୟୁରିଟିଜ ଜରିଆରେ ଯୋଗାଡ ଲକ୍ଷ୍ୟ ରହିଛି । ଏହାର ବିପରୀତ ସରକାର ଏପ୍ରିଲ-ସେପ୍ଟେମ୍ବର ମଧ୍ୟରେ 7.66 ଲକ୍ଷ କୋଟି ଟଙ୍କା ଋଣ ନେଇଛନ୍ତି ।
ସରକାର କୋରୋନା ଭାଇରସ ସଂକ୍ରମଣ ରୋକିବା ପାଇଁ ଏମାର୍ଜନ୍ସି ପାଣ୍ଠିକୁ ପୂରା କରିବା ପାଇଁ ମେ ମାସରେ ଋଣ ସୀମା ବଢାଇ 12 ଲକ୍ଷ କୋଟି ଟଙ୍କା କରିଦେଇଛନ୍ତି । ଅର୍ଥମନ୍ତ୍ରୀ ନିର୍ମଳା ସୀତାରମଣ 2020-21ରେ ବଜାରରୁ ମୋଟ 7.80 ଲକ୍ଷ ଟଙ୍କାର ଋଣ ନେବା ପାଇଁ ଲକ୍ଷ୍ୟ ରଖିଥିଲେ । ଏହା 2019-20ରେ ନିଆଯାଇଥିବା 7.1 ଲକ୍ଷ କୋଟି ଟଙ୍କାରୁ ଅଧିକ ରହିଛି ।