ନୂଆଦିଲ୍ଲୀ: ବଦଳିବନି ଅନ୍ତରୀଣ ବଜେଟର ରୂପରେଖ । ପୂର୍ଣ୍ଣାଙ୍ଗ ବଜେଟରେ ମଧ୍ୟ ପୂର୍ବରୁ ଧାର୍ଯ୍ୟ ବିଭିନ୍ନ ମନ୍ତ୍ରାଳୟ ଓ ବିଭାଗ ପାଇଁ ହୋଇଥିବା ବ୍ୟୟବରାଦକୁ ଜାରି ରଖାଯିବ । ଏନେଇ ଅର୍ଥ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ତେବେ ନୂଆ ସରକାରଙ୍କ ଅଧିନରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଜୁଲାଇ 5ରେ ପୂର୍ଣ୍ଣାଙ୍ଗ ବଜେଟ ଉପସ୍ଥାପନ କରିବେ ।
ନିର୍ବାଚନକୁ ନଜରରେ ରଖି ଚଳିତ ବର୍ଷ ଫେବୃଆରୀ ପହିଲାରେ ଅନ୍ତରୀଣ ବଜେଟ ଉପସ୍ଥାପନ କରାଯାଇଥିଲା । ଏବେ ପୁଣି ଥରେ ମୋଦି ସରକାର ବହୁମତ ସହ କ୍ଷମତାସୀନ ହୋଇଛନ୍ତି । ଏଥିଯୋଗୁଁ ପୂରୁଣା ସରକାରଙ୍କ ନୂଆ ରଣନୀତି କ୍ରମେ ପୂର୍ଣ୍ଣାଙ୍ଗ ବଜେଟ ଆଗତ ହେବ । ତେବେ ଏହି ବଜେଟି ଅନ୍ତରୀଣ ଠାରୁ ଟିକେ ଅଲଗା ହୋଇପାରେ । ଅର୍ଥାତ ଯେଉଁ ସବୁ କ୍ଷେତ୍ରକୁ ବଜେଟରେ ଆବଣ୍ଟନ କରାଯାଇନଥିଲା ସେଗୁଡିକୁ ଏହା ଅନ୍ତର୍ଭୁକ୍ତ କରାଯିବ ।