ନୂଆଦିଲ୍ଲୀ: ଭାରତ ସରକାରଙ୍କ ଦ୍ବାରା ପାରିତ ନୂଆ କୃଷି ଆଇନ ଦ୍ବାରା ଚାଷୀଙ୍କ ଲାଭ ବଢିବ । ଗ୍ରାମୀଣ ଅର୍ଥନୀତି ତ୍ବରାନ୍ବିତ ହେବ । ଚାଷ କ୍ଷେତ୍ରରେ ସଂସ୍କାର ପାଇଁ ଏକ ଗୁରୁତ୍ବପୂର୍ଣ୍ଣ ପଦକ୍ଷେପର ପ୍ରତିନିଧିତ୍ବ କ୍ଷମତା ଅଛି । ନୂଆ କୃଷି ଆଇନକୁ ସମର୍ଥନ କରି ଅନ୍ତରାଷ୍ଟ୍ରୀୟ ମୁଦ୍ରା କୋଷ (ଆଇଏମଏଫ) ଏ ନେଇ ଦର୍ଶାଇଛି ।
କୃଷି ଆଇନକୁ ବିରୋଧ କରି କୃଷକଙ୍କ ବିରୋଧ ପ୍ରଦର୍ଶନ ଜାରି ରହିଥିବା ମଧ୍ୟରେ ଆଇଏମଏଫର ଏଭଳି ପ୍ରଶଂସା ସରକାରଙ୍କୁ ସପୋର୍ଟ ଦେଇଛି । ଆଇଏମଏଫର କମ୍ୟୁନିକେସନ୍ସ ନିର୍ଦ୍ଦେଶକ ଗେରୀ ରାଇସ କହିଛନ୍ତି ଯେ, ନୂଆ ପ୍ରଣାଳୀ ଆପଣାଇବା ଦ୍ବାରା ଯେଉଁମାନେ ପ୍ରତିକୂଳ ଭାବେ ପ୍ରଭାବିତ ହେବେ, ସେମାନଙ୍କ ପାଇଁ ସାମାଜିକ ସୁରକ୍ଷା ଜାଲକୁ ମଜବୁତ କରିବା ଆବଶ୍ୟକତା ରହିଛି । ତେବେ କୃଷି ବିଲ ଭାରତରେ କୃଷି ସୁଧାର ପାଇଁ ଏକ ଗୁରୁତ୍ବପୂର୍ଣ୍ଣ ପଦକ୍ଷେପର ପ୍ରତିନିଧିତ୍ବ କରିବାର କ୍ଷମତା ଅଛି ବୋଲି ଗେରୀ କହିଛନ୍ତି ।