ନୂଆଦିଲ୍ଲୀ: ଦେଶରେ ଚୀନ ବିରୋଧ ନାରା ତେଜିବାରେ ଲାଗିଛି । ବୟକଟ ଚାଇନା ଆନ୍ଦୋଳନ ଜୋର ଧରିଛି । ଏଥିମଧ୍ୟରେ ଭାରତର ମିଳିତ ବ୍ୟବସାୟୀ ସଂଘ (ସିଏଆଇଟି) ଘୋଷଣା କରିଛି କି ସେ ଭିଡିଓ କନଫରେନ୍ସି ଆପ ‘ଜୁମ’ର ବ୍ୟବହାର କରିବ ନାହିଁ ।
ଯଦିଓ ଜୁମ ଆପ ଆମେରିକାରୁ ଅପରେଟ ହେଉଛି । ହେଲେ ସିଏଆଇଟିର କହିବା ଅନୁଯାୟୀ ଏହି ଆପର ଚୀନ ସହ କନେକ୍ସନ ରହିଛି । ପ୍ରକାଶ ଯେ, ସିଏଆଇଟି ଭାରତର 7 କୋଟି ଟ୍ରେଡର୍ସର ପ୍ରତିନିଧିତ୍ବ କରୁଛି ।
ସମଗ୍ର ଦେଶର ବ୍ୟବସାୟୀଙ୍କ ସହ ଆଲୋଚନା ଓ ଯୋଗାଯୋଗ ପାଇଁ ସିଏଆଇଟି ଏବେ ସୁଦ୍ଧା ଜୁମ ଆପରୁ ବ୍ୟବହାର କରୁଥିବ । ହେଲେ ଚୀନ ସହ ଲିଙ୍କଅପକୁ ସନ୍ଦେହ କରି ସିଏଆଇଟି ଏହାକୁ ବର୍ଜନ ପାଇଁ ଘୋଷଣା କରିଛି । ସିଏଆଇଟି ଅନ୍ୟ ବ୍ୟବସାୟୀଙ୍କୁ ପରାମର୍ଶ ଦେଇଛି କି ଜୁମ ବଦଳରେ ଭାରତର ଜିଓମିଟ କୁ ବ୍ୟବହାର କରି କଥାବାର୍ତ୍ତା କରିବା ଦରକାର । ତେବେ ଅନ୍ୟ ଉପଲବ୍ଧ ଆପର ମଧ୍ୟ ଆକଳନ କରୁଛନ୍ତି ସିଏଆଇଟିର ଟେକ୍ନାଲୋଜି ଟିମ ।
ଜୁମ ଯଦିଓ ଆମେରିରୀୟ ଆପ୍ଲିକେସନ । ହେଲେ ଏହାର କିଛି ସର୍ଭର ଚୀନରେ ମଧ୍ୟ ରହିଛି । ଯେଉଁଥିପାଇଁ ଡାଟା ଲିକ ହେବା ବିପଦ ରହିଛି । ଆଉ ଏହାକୁ ଭାରତ ସ୍ବାର୍ଥ ବିରୋଧରେ ଉପଯୋଗ ହୋଇପାରେ ବୋଲି ଆଶଙ୍କା ରହିଛି ବୋଲି ସାଧାରଣ ସମ୍ପାଦକ ପ୍ରବୀଣ ଖଣ୍ଡେଲୱାଲ କହିଛନ୍ତି ।