ନୂଆଦିଲ୍ଲୀ: ଏମର୍ଜେନ୍ସି କ୍ରେଡିଟ ସୁବିଧା ଅଧିନରେ ଆସୁଥିବା କ୍ଷୁଦ୍ର, ଲଘୁ ଓ ମଧ୍ୟମ ଉଦ୍ୟୋଗ (ଏମଏସଏମଇ) କୁ ଋଣ ଦେବାକୁ ମନା କରିପାରିବେ ନାହିଁ ବ୍ୟାଙ୍କ । ଆଉ ଯଦି କେହି ଏହାକୁ ଅସ୍ୱୀକାର କରନ୍ତି, ତେବେ ଅଧିକ ସୂଚନା ଦିଆଯିବା ଉଚିତ ବୋଲି କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।
ଏମେର୍ଜିନ୍ସି କ୍ରେଡିଟ ଲାଇନ ଗ୍ୟାରେଣ୍ଟି ସ୍କିମ୍(ଇସିଏଲଜିଏସ୍) ଅଧିନରେ 2020 ଜୁଲାଇ 23 ସୁଦ୍ଧା ସରକାରୀ ଏବଂ ବେସରକାରୀ କ୍ଷେତ୍ର ବ୍ୟାଙ୍କଗୁଡିକ 1,30,491.79 କୋଟି ଟଙ୍କା ଋଣ ମଞ୍ଜୁର କରିଛନ୍ତି । ସେଥିମଧ୍ୟରୁ 82,065.01 କୋଟି ଟଙ୍କା ପ୍ରଦାନ କରାଯାଇଛି ।
ସୀତାରମଣ ଉଦ୍ୟୋଗ ସଂଘ ଫିକ୍କିର ଏକ କାର୍ଯ୍ୟକ୍ରମରେ କହିଛନ୍ତି କି, ‘‘ବ୍ୟାଙ୍କ, ଜରୁରୀକାଳୀନ ଋଣ ସୁବିଧା ଅଧିନରେ କଭର କରାଯାଇଥିବା ଏମଏସଏମଇକୁ ଋଣ ଦେବାକୁ ମନା କରିପାରିବ ନାହିଁ । ଆଉ ଏଥିରେ ଅବହେଳା ହୁଏ ତେବେ ଏ ନେଇ ମୁଁ କାର୍ଯ୍ୟନୁଷ୍ଠାନ ନେବି । ’’
ତେବେ କୋରୋନାରେ ଅଧିକ ପ୍ରଭାବିତ ଆତିଥ୍ୟ କ୍ଷେତ୍ର (hospitality sector) ପାଇଁ ଅର୍ଥମନ୍ତ୍ରାଳୟ ରିଜର୍ଭ ବ୍ୟାଙ୍କ ସହ ମିଶି ଋଣ କିସ୍ତି ସ୍ଥଗିତ ( ମୋରାଟୋରିୟମ) ବା ଋଣ ପନଃଗଠନ ଯୋଜନା ଉପରେ କାମ କରୁଛି ବୋଲି ସୀତାରମଣ ଦର୍ଶାଇଛନ୍ତି ।
ସେ କହିଛନ୍ତି, ‘‘ଆତିଥ୍ୟ କ୍ଷେତ୍ର ପାଇଁ ମୋରୋରିୟମ ବା ପର୍ନଗଠନ ବିସ୍ତାର ଆବଶ୍ୟକତାକୁ ମୁଁ ସମ୍ପୂର୍ଣ୍ଣ ଭାବେ ବୁଝିପାରୁଛି। ଆମେ ଏ ନେଇ ଆରବିଆଇ ସହ ମିଶି କାର୍ଯ୍ୟ କରୁଛୁ।