ହାଇଦ୍ରାବାଦ: ଭାରତରେ ବ୍ୟାଙ୍କିଂ ଠକେଇ ପରିମାଣ 1 ବର୍ଷ ପୂର୍ବ ତୁଳନାରେ 2019-20 ଆର୍ଥିକ ବର୍ଷରେ ଦୁଇଗୁଣା ବଢିଛି । ରିଜର୍ଭ ବ୍ୟାଙ୍କର ବାର୍ଷିକ ରିପୋର୍ଟରେ ଏ ନେଇ ଦର୍ଶାଯାଇଛି ।
ଭାରତୀୟ ବ୍ୟାଙ୍କିଙ୍ଗ ପ୍ରଣାଳୀ 2018-19ରେ 6,799 ମାମଲାରେ 71,543 କୋଟି ଟଙ୍କାର ଠକେଇ ତୁଳନାରେ 2019-20ରେ ମୋଟ 8,707 ମାମଲାରେ ସାମିଲ 1.86 ଲକ୍ଷ କୋଟି ଟଙ୍କାର ଠକେଇ ଦେଖିବାକୁ ମିଳିଛି ।
ଆରବିଆଇ କହିଛି, "ବ୍ୟାଙ୍କ / ଏଫଆଇ (ଆର୍ଥିକ ପ୍ରତିଷ୍ଠାନ) ଦ୍ବାରା ରିପୋର୍ଟ ହୋଇଥିବା ମୋଟ ଠକେଇ ମାମଲାରେ 28 ପ୍ରତିଶତ ବୃଦ୍ଧି ହୋଇଛି । 2019-20 ମଧ୍ୟରେ ମୂଲ୍ୟ (ମୋଟ ମାମଲାର ପରିମାଣ) 159 ପ୍ରତିଶତ ବଢିଛି। ତଥାପି ଏହି ଜାଲିଆତି ହେବାର ତାରିଖ ବିଗତ ଅନେକ ବର୍ଷ ମଧ୍ୟରେ ବିସ୍ତାରିତ ହେଉଛି ।
ବିଶେଷ ଭାବରେ, ଆରବିଆଇର ବ୍ୟାଙ୍କିଙ୍ଗ୍ ଠକେଇ ତଥ୍ୟ କେବଳ 1 ଲକ୍ଷରୁ ଅଧିକ ଟଙ୍କା ସହିତ ଜଡିତ ମାମଲାଗୁଡ଼ିକୁ ଧ୍ୟାନରେ ରଖିଥାଏ । ଅଳ୍ପ ପରିମାଣର ମାମଲା ଅନ୍ତର୍ଭୁକ୍ତ ହୋଇନାହିଁ ।
ଆରବିଆଇ ରିପୋର୍ଟରେ କହିଛି ଯେ ଏହି ଠକେଇ ମାମଲାରେ ଜଡିତ ଟଙ୍କା କ୍ଷତିର ପରିମାଣକୁ ପ୍ରତିଫଳିତ କରୁନାହିଁ। “ପୁନରୁଦ୍ଧାର ଆଧାରରେ କ୍ଷତି କମିଯାଏ।
ସାର୍ବଜନୀନ କ୍ଷେତ୍ର ବ୍ୟାଙ୍କଗୁଡିକରେ (PSBs) ବ୍ୟାଙ୍କିଙ୍ଗ ଠକେଇରେ ସାମିଲ ଅର୍ଥର ମୂଲ୍ୟ 2019-20 ରେ ମୋଟ 1.80 ଲକ୍ଷ କୋଟିର 80% ଥିଲା । ଯାହାକି ଏକ ବର୍ଷ ପୂର୍ବେ 63,283 କୋଟି ଟଙ୍କା ଥିଲା। 1 ବର୍ଷ ପୂର୍ବେ 3,568 ମାମଲା ତୁଳନାରେ PSB ରେ ଠକେଇ ମାମଲା 4,413 ଥିଲା।
ଘରୋଇ କ୍ଷେତ୍ର ବ୍ୟାଙ୍କଗୁଡିକ ଆର୍ଥିକ ବର୍ଷ 20 ରେ 34,211 କୋଟି ଟଙ୍କାର 3,066 ଠକେଇ ମାମଲା ଦେଖିଛନ୍ତି । ଯାହା ଆର୍ଥିକ ବର୍ଷ19 ରେ 6,742 କୋଟି ଟଙ୍କା ଥିଲା।
ବିଦେଶୀ ବ୍ୟାଙ୍କଗୁଡିକରେ ମଧ୍ୟ ମାମଲା ବୃଦ୍ଧି ଘଟିଛି । କିନ୍ତୁ ଏଥିରେ ସମ୍ପୃକ୍ତ ଟଙ୍କା ସାମାନ୍ୟ ହ୍ରାସ ପାଇଛି। ଏହି ଋଣଦାତାମାନେ ଆର୍ଥିକ ବର୍ଷ19 ରେ 955 କୋଟି ଟଙ୍କାର 762 ମାମଲା ତୁଳନାରେ ଆର୍ଥିକ ବର୍ଷ 2020 ରେ 972 କୋଟି ଟଙ୍କା ମୂଲ୍ୟର 1,026 ମାମଲା ପଞ୍ଜିକୃତ କରିଛନ୍ତି।
