ନୂଆଦିଲ୍ଲୀ: ଉଦ୍ୟୋଗକୁ ଆଶିଂକ ଭାବେ ପୁଣି ଖୋଲିବାକୁ ଅନୁମତି ଦେଇଛନ୍ତି କେନ୍ଦ୍ର ସରକାର । ହେଲେ ଏହି ଅନୁମତିର ସପ୍ତାହେ ପରେ ବି ମାରୁତି ସୁଜୁକି, ଟାଟା ମୋଟର୍ସ, ଟୋୟଟା ଓ ମର୍ସଡିଜ ବେଞ୍ଜ ଭଳି କମ୍ପାନୀଙ୍କ ଉତ୍ପାଦନ ଆରମ୍ଭ ହେବା ବାକି ରହିଛି । ଆଉ ଏହାର ମୁଖ୍ୟ କାରଣ ହେଉଛି ଯୋଗାଣ ଶୃଙ୍ଖଳା ବାଧାପ୍ରାପ୍ତ ହେବା ।
କମ୍ପାନୀ କହିଛି ଯେ, ସେମାନଙ୍କ ଯୋଗାଣକାରୀ ଏବଂ ଡିଲରମାନେ ଦେଶର ଅନେକ ଅଞ୍ଚଳରେ ଏବେ ମଧ୍ୟ ଲକଡାଉନରେ ରହିଛନ୍ତି । ଏଣୁ ଯନ୍ତ୍ରାନ୍ସ ନିର୍ମାତାଙ୍କ ଠାରୁ ଡିଲର ପର୍ଯ୍ୟନ୍ତ ଯୋଗାଣ ରାସ୍ତା ଖୋଲିବା ଆବଶ୍ୟକ । ଏହି ପରିପ୍ରେକ୍ଷୀରେ ମାରୁତି ସୁଜୁକି ଇଣ୍ଡିଆର ମୁଖପାତ୍ର କହିଛନ୍ତି ଯେ, ସେମାନଙ୍କ ଉତ୍ପାଦନ ଏ ପର୍ଯ୍ୟନ୍ତ ଆରମ୍ଭ ହୋଇନାହିଁ ।