ନୂଆଦିଲ୍ଲୀ: ଚଳିତ ଆର୍ଥିକ ବର୍ଷର ଦ୍ବିତୀୟ ଓ ତୃତୀୟ ତ୍ରୟମାସରେ କଠିନ ନିଷ୍ପତ୍ତି ନେବା ପରେ ଭାରତୀୟ କମ୍ପାନୀ ଏବେ ପୁଣି ଟାଲେଣ୍ଟ ( ଦକ୍ଷ, କୁଶଳ) ଉପରେ ନିବେଶ ପାଇଁ ଇଚ୍ଛା ପ୍ରକାଶ କରିଛନ୍ତି । ଏକ ନୂଆ ସର୍ଭେ ଅନୁସାରେ 87 ପ୍ରତିଶତ ଭାରତୀୟ କମ୍ପାନୀ କର୍ମଚାରୀଙ୍କ ଦରମା 2021 ରେ ବଢାଇବା ପାଇଁ ଯୋଜନା କରୁଛନ୍ତି ।
ରିପୋର୍ଟ ମୁତାବକ 2020ରେ 21 ପ୍ରତିଶତ କମ୍ପାନୀ ଦରମା ବଢାଇବାକୁ ଲକ୍ଷ୍ୟ ରଖିଥିଲେ । ହେଲେ କୋଭିଡ କଟକଣା ଓ ସଙ୍କଟ ମଧ୍ୟରେ କାରବାର ଧୀମା ପଡିଥିବାରୁ ଆୟ ଖସିଥିଲା । ଯେଉଁଥିପାଇଁ କର୍ମଚାରୀଙ୍କ ଦରମା ବୃଦ୍ଧିରେ ପୂର୍ଣ୍ଣଚ୍ଛେଦ ପଡିଥିଲା ।
ଏ ବର୍ଷ ସେପ୍ଟେମ୍ବର-ଅକ୍ଟୋବରରେ ହୋଇଥିବା Aon ସର୍ଭେରେ ସାମିଲ କମ୍ପାନୀ ମଧ୍ୟରୁ 87 ପ୍ରତିଶତ କହିଛନ୍ତି କି, ଆସନ୍ତା ବର୍ଷ ଦରମାରେ ବୃଦ୍ଧି କରାଯିବ । 61 ପ୍ରତିଶତ କହିଛନ୍ତି ଯେ, ସେମାନେ 5-10 ପ୍ରତିଶତ ମଧ୍ୟରେ ଦରମା ବଢାଇବେ । ଏଓଏନ ଏକ ବୈଶ୍ବିକ ପ୍ରଫେସନାଲ ସେବା ଫାର୍ମ । ଯାହାକି ଏକ ବିସ୍ତୁତ ରିସ୍କ , ରିଟାୟରମେଣ୍ଟ ଏବଂ ହେଲଥ ସଲ୍ୟୁସେନ ଦେଇଥାଏ ।