ନୂଆଦିଲ୍ଲୀ: ଦେଶରେ ବିବାହିତ ମହିଳାଙ୍କ ପ୍ରତି ଅନ୍ୟାୟ ଓ ଅତ୍ୟାଚାର ବୃଦ୍ଧି ପାଉଛି । ଅଧିକାଂଶ ସମୟରେ ଯୌତୁକ ପାଇଁ ଘରୋଇ ହିଂସାର ଶିକାର ହେଉଛନ୍ତି ମହିଳା । ଏଭଳି ସ୍ଥିତିରେ ବିବାହିତ ମହିଳାଙ୍କ ସୁରକ୍ଷାକୁ ଦୃଷ୍ଟିରେ ରଖି ମଙ୍ଗଳବାର ଗୁରୁତ୍ବପୂର୍ଣ୍ଣ ରାୟ ଶୁଣାଇଛନ୍ତି ସର୍ବୋଚ୍ଚ କୋର୍ଟ ।
ଏଣିକି ଘରୋଇ ହିଂସାର ଶିକାର ହେଉଥିବା ମହିଳା ନିଜ ଶାଶୁ ଏବଂ ସ୍ବାମୀଙ୍କ ବିରୁଦ୍ଧରେ ଯେ କୌଣସି ସ୍ଥାନରେ ଥାଇ ମଧ୍ୟ ମାମଲା ରୁଜୁ କରିପାରିବେ । ଯେଉଁ ମହିଳାଙ୍କ ଉପରେ ନିର୍ଯାତନା ସହ ଶାଶୁଘର ଛାଡିବାକୁ ବାଧ୍ୟ କରାଯାଉଥିବ ସେମାନଙ୍କ ଉପରେ ଆଇପିସି ଧାରା 498(A) ଅନୁଯାୟୀ ଅପରାଧିକ ମାମଲା ରୁଜୁ କରିବାକୁ ଅନୁମତି ଦେଇଛନ୍ତି କୋର୍ଟ ।