ନୂଆଦିଲ୍ଲୀ: ବିଜେପିର ବିଜୟ ପରେ ପୁଣି ଥରେ ରାମ ମନ୍ଦିର ନିର୍ମାଣକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଅନେକ ସାଧୁସନ୍ଥ ରାମ ମନ୍ଦିର ନିର୍ମାଣକୁ ନେଇ ଦାବି କରିଛନ୍ତି । ଏନେଇ ଅଯୋଧ୍ୟାର ମଣିରାମ ଦାସଙ୍କ ଆଶ୍ରମରେ ଏକ ବୈଠକ ବସିଥିଲା । ଯେପରି ମନ୍ଦିର ନିର୍ମାଣରେ କୌଣସି ବାଧା ନଆସେ ଓ ମନ୍ଦିର କିପରି ଶୀଘ୍ରରୁ ଅତି ଶୀଘ୍ର ନିର୍ମାଣ କରାଯିବ ସେନେଇ ସମସ୍ତ ଆଲୋଚନା ହୋଇଥିଲା । ଶେଷରେ ବିଏଚପି ନେତାମାନେ ସମସ୍ତ ସାଧୁସନ୍ଥଙ୍କୁ ଆଶ୍ବାସନା ଦେଇ କହିଥିଲେ ଯେ, ଏବେ ମନ୍ଦିର ନିର୍ମାଣରେ ଆଉ କୌଣସି ବାଧା ଉପୁଜିବନୀ କି ଡେରି ମଧ୍ୟ ହେବନି ।
ବୈଠକରେ ସନ୍ଥମାନେ କହିଛନ୍ତି ଯେ, ସବୁଆଡେ ରାମଙ୍କ ମହିମା ଅଛି । ଯେଉଁଥିପାଁଇ ଭାରତୀୟ ଜନତା ପାର୍ଟିର ବିପୁଳ ବିଜୟୀ ହୋଇଛି । ତେବେ ପ୍ରଧାନମନ୍ତ୍ରୀଙ୍କ ଉପରେ ଏବେ ରାମ ମନ୍ଦିର ନିର୍ମାଣ ନେଇ ଚାପ ପକାଯାଉ । ଯଦି ଦରକାର ହୁଏ ସନ୍ଥଙ୍କ ସହ ପ୍ରଧାନମନ୍ତ୍ରୀଙ୍କ ସହ ବୈଠକ ବସାଯାଉ । ସେପଟେ ବିଏଚପି ନେତା କହିଛନ୍ତି, ଏହି ମୁଦ୍ଦା ଉପରେ ସବୁକିଛି ଠିକ ଭାବେ ଚାଲିଛି, ଏବେ ମନ୍ଦିର ନିର୍ମାଣ ନେଇ ଲୋକଙ୍କୁ ଆଉ ଅପେକ୍ଷା କରିବାକୁ ପଡିବନି ।