ବରଗଡ: ସାଧାରଣ ନିର୍ବାଚନ ସହ ରାଜ୍ୟ ବିଧାନସଭା ନିର୍ବାଚନରେ ଯେମିତି ସମସ୍ତ ନାଗରିକ ମତଦାନ ସାବ୍ୟସ୍ତ କରିପାରିବେ ସେଥିପାଇଁ ନିର୍ବାଚନ କମିସନ ବ୍ୟାପକ ସଚେତନାତା କରିବା ସହ ଅନେକ କାର୍ଯ୍ୟକ୍ରମ ଆୟୋଜନ କରିଥିଲେ । ଏହା ମଧ୍ୟରେ ରାଜ୍ୟରେ ଦୁଇଟି ପର୍ଯ୍ୟାୟରେ ମତଦାନ ଶେଷ ହୋଇଥିବାବେଳେ ବରଗଡ ଜିଲ୍ଲାରେ ଘଟିଛି ଏକ ଅଭାବନୀୟ ଘଟଣା । ନିଜ ଗଣତାନ୍ତ୍ରିକ ଅଧିକାର ମତଦାନ ସାବ୍ୟସ୍ତ କରିଥିବା ଦୁଇ ପରିବାରକୁ ପଡିଛି ମହଙ୍ଗା ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ସୂଚନା ଅନୁସାରେ ବରଗଡ ଜିଲ୍ଲା ଭଟଲି ବିଧାନସଭା ନିର୍ବାଚନ ମଣ୍ଡଳୀର ଖରାମୁଣ୍ଡା ପଞ୍ଚାୟତର ତରାକନା ଗ୍ରାମବାସୀ ଓ ରସାଳୀ ଗ୍ରାମବାସୀଙ୍କ ମଧ୍ୟରେ କୌଣସି କାରଣକୁ ନେଇ ଗଣ୍ଡଗୋଳ ଲାଗିରହିଛି । ତେବେ ସାଧାରଣ ନିର୍ବାଚନରେ ରସାଳୀ ଗ୍ରାମବାସୀଙ୍କ ପୋଲିଙ୍ଗ ବୁଥ ତରାକନା ଗ୍ରାମରେ ରହିଥିବାରୁ ରସାଳୀ ଗ୍ରାମବାସୀ ତାଙ୍କ ନିଜ ଗ୍ରାମରେ ମତଦାନ ପାଇଁ ସ୍ଵତନ୍ତ୍ର ବୁଥ ବ୍ୟବସ୍ଥା କରାଯାଉ ବୋଲି ଦାବି କରିଥିଲେ ଏବଂ ବୁଥ ନାହି ତ ଭୋଟ ବି ନାହିଁ ବୋଲି ବରଗଡ ନିର୍ବାଚନ ଅଧିକାରୀଙ୍କୁ ଜଣାଇଥିଲେ ।