ବିଶ୍ବନୟନ୍ତାଙ୍କୁ ଦର୍ଶନକଲେ ଅଭିନେତା ମିଥୁନ

ବିଶ୍ବନୟନ୍ତାଙ୍କୁ ଦର୍ଶନ ସାରିବା ପରେ ମିଥୁନ କହିଛନ୍ତି ତାଙ୍କର ମାନସିକ ଥିଲା ପ୍ରଭୁଙ୍କୁ ଦର୍ଶନ କରିବାକୁ , ତେଣୁ ଆଜି ମହାପ୍ରଭୁଙ୍କୁ ଦର୍ଶନ କରିଛନ୍ତି ।

ପୁରୀ: ଭାରତୀୟ ଫିଲ୍ମ ଜଗତର ବିଶିଷ୍ଟ ଅଭିନେତା ମିଥୁନ ଚକ୍ରବର୍ତ୍ତୀ ଆଜି ସକାଳେ ଶ୍ରୀମନ୍ଦିର ଆସି ମହାପ୍ରଭୁଙ୍କ ଦର୍ଶନ କରିଛନ୍ତି । ମିଥୁନ ଓ ତାଙ୍କ ପରିବାର ଆଜି ଭୋରରୁ ମହାପ୍ରଭୁଙ୍କ ଦର୍ଶନ କରିଛନ୍ତି ।

ମିଥୁନ ବଡଦାଣ୍ଡରେ ପହଞ୍ଚିବା ପରେ ଶ୍ରୀମନ୍ଦିର ଲୋକ ସମ୍ପର୍କ ଅଧିକାରୀ ତାଙ୍କୁ ସ୍ବାଗତ କରିଥିଲେ । ବିଶ୍ବନୟନ୍ତାଙ୍କୁ ଦର୍ଶନ ସାରିବା ପରେ ମିଥୁନ କହିଛନ୍ତି ତାଙ୍କର ମାନସିକ ଥିଲା ପ୍ରଭୁଙ୍କୁ ଦର୍ଶନ କରିବାକୁ, ତେଣୁ ଆଜି ମହାପ୍ରଭୁଙ୍କ ଦର୍ଶନ କରିଛନ୍ତି ।

ମିଥୁନଙ୍କ ଦର୍ଶନର ସୂଚନା ଦେଇ ତାଙ୍କ କୌଳିକ ପଣ୍ଡା ରାମକୃଷ୍ଣ ଦାସ ମହାପାତ୍ର କହିଛନ୍ତି ମିଥୁନଙ୍କ ମାନସିକ ଥିଲା ଜଗନ୍ନାଥଙ୍କୁ ଦର୍ଶନ କରିବାକୁ। ଏହାସହ ସେ ଆଜି ଏକ ବ୍ରାହ୍ମଣ ଭୋଜନ ମଧ୍ୟ ଦେବେ ବୋଲି କହିଛନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ